சிங்கப்பூரில் சுமார் மூன்று மாத இடைநிறுத்தத்தைத் தொடர்ந்து நமது நாடு மீண்டும் தனது எல்லையைத் திறக்கும் போது, தடுப்பூசி போடப்பட்ட பயணிகள் அதிக நாடுகளில் இருந்து சிங்கப்பூருக்குள் நுழைய முடியும் மற்றும் குறைவான கோவிட்-19 சோதனைகள் மூலம் சிங்கப்பூருக்குள் நுழைய முடியும் என்று பல தளர்வுகள் நேற்று முன்தினம் சிங்கப்பூர் சுகாதார அமைச்சகம் மற்றும் பெருந்தொற்று தடுப்பு பணிக்குழுவினரால் அறிவிக்கப்பட்டது.
இந்நிலையில் அமலாகவிருக்கும் சில தளர்வுகளை குறித்து தற்போது காணலாம்.
சிங்கப்பூரில் பிப்ரவரி 21 அன்று இரவு 11.59 மணி முதல் பயணிகளுக்குப் பொருந்தும் மாற்றங்கள் என்னென்ன?
குறிப்பிட்ட சில நாடுகளுக்கு சென்று வந்த பயணிகளின் பயண வரலாறு கணக்கில் எடுத்துக்கொள்ளப்பட்டதை நாம் அறிவோம். இந்நிலையில் அந்த பயண வரலாறு தேவை, 14லிருந்து ஏழு நாட்களாக குறைக்கப்படும். அதாவது, கடந்த ஏழு நாட்களுக்கு முந்தைய பயணிகளின் பயண வரலாறு அவரது சிங்கப்பூர் பயணத்தின் திறனை எந்தவிதத்திலும் பாதிக்காது.
இரண்டாவதாக, சிங்கப்பூருக்கு வந்த பிறகு SHN எனப்படும் Stay Home Noticeஐ அதிக ஆபத்து உள்ளதாகக் கருதப்படும் நாடுகளில் இருந்து வருபவர்களுக்கு 10 நாட்கள் வரை பிறப்பிக்கப்படலாம். தடுப்பூசி போடப்பட்ட பயண பாதை (VTL) திட்டத்தின் கீழ் இல்லாத பெரும்பாலான நாடுகளை சேர்ந்த மக்கள், அதாவது அவர்கள் எந்த நாட்டைச் சேர்ந்தவர்களாக இருந்தாலும், ஏழு நாள் தனிமைப்படுத்தல் தேவையை எதிர்கொள்வார்கள் என்பது குறிப்பிடத்தக்கது. (தற்போது சிங்கப்பூரின் VTL சேவை, இந்தியா உள்பட 24 நாடுகளுடன் செயல்பாட்டில் உள்ளது)
மூன்றாவதாக, VTL பயணிகள் தாங்கள் சிங்கப்பூர் வந்த பிறகு 2ம் நாள் முதல் 7ம் நாள் வரை ART கிட் மூலம் கோவிட்-19 க்கு தினமும் தங்களைத் தாங்களே பரிசோதிக்க வேண்டியதில்லை.
VTL திட்டத்தில் சேர்க்கப்படும் புதிய நாடுகள் மற்றும் பிராந்தியங்கள் யாவை?
பிப்ரவரி 25 முதல், கத்தார், சவுதி அரேபியா, ஹாங்காங், ஐக்கிய அரபு எமிரேட்ஸ் ஆகிய நாடுகளுக்கான VTLகள் துவங்கும். குறுகிய கால பார்வையாளர்கள் மற்றும் தகுதியான பணி அனுமதி பெற்றவர்கள் பிப்ரவரி 22ம் தேதி காலை 10 மணி முதல் இந்த திட்டத்தின் கீழ் பயணம் செய்ய விண்ணப்பிக்கலாம். மேலும் மார்ச் 4 அன்று, இஸ்ரேல் மற்றும் பிலிப்பைன்ஸிற்கான VTLகள் தொடங்கும். குறுகிய கால பார்வையாளர்கள் மற்றும் தகுதியான பணி அனுமதி வைத்திருப்பவர்கள் மார்ச் 1ம் தேதி காலை 10 மணி முதல் இந்தத் திட்டத்தைப் பயன்படுத்த விண்ணப்பிக்கலாம்.
விமானப் பயணிகளுக்கான கோவிட்-19 சோதனைத் தேவைகள் என்ன?
தற்போதைய நிலவரப்படி VTL விமானப் பயணிகள் சாங்கி விமான நிலையத்தில் PCR சோதனையை மேற்கொள்ள வேண்டும். இந்த சோதனைக்கு $125 செலவாகும். கூடுதலாக, அவர்கள் இங்கு தங்கியிருக்கும் இடத்தை விட்டு வெளியேறத் திட்டமிட்டால், அவர்கள் வருகைக்குப் பிறகு 2ம் நாள் முதல் 7ம் நாள் வரை ART கருவிகளுடன் கோவிட்-19 க்கு தங்களைத் தாங்களே பரிசோதித்துக் கொள்ளவேண்டும். இந்நிலையில் இந்த இரண்டு சோதனைத் தேவைகளும் அடுத்த திங்கட்கிழமை (பிப்ரவரி 21) இரவு 11.59 மணிக்கு நிறுத்தப்படும். மேற்பார்வையிடப்பட்ட சுய-ஸ்வாப் சோதனையின் தரப்படுத்தப்பட்ட சோதனைத் தேவையால் இந்த இரண்டு சோதனைகளும் மாற்றப்படும்.
இந்நிலையில் சமீபத்திய இந்த நடவடிக்கையானது VTLகள் மூலம் சிங்கப்பூருக்குள் நுழையும் விமானப் பயணிகள் விலையுயர்ந்த PCR சோதனையை தற்போது தவிர்க்கலாம். கடந்த ஆண்டு செப்டம்பரில் இத்திட்டம் தொடங்கப்பட்டதிலிருந்து முதல் முறையாக இந்த தளர்வு அளிக்கப்பட்டுள்ளது.