சிங்கப்பூர் தேசிய நீர் நிறுவனமான PUB இந்த ஆண்டு மூன்று முறை திடீர் வெள்ளம் ஏற்பட்ட டியூனெர்ன் சாலையின் நீளத்தை 450 மீட்டர் உயர்த்தும், இது அங்கு இதுபோன்ற சம்பவங்களின் அபாயத்தைக் குறைக்கிறது என்பது குறிப்பிடத்தக்கது.
இந்த ஆண்டு நவம்பர் மாதத்திற்குள் பணிகள் முடிவடையும் என்று எதிர்பார்க்கப்படுகிறது என்று PUB இன்று சனிக்கிழமை (ஆகஸ்ட் 28) வெளியிட்ட ஒரு அறிக்கையில் தெரிவித்துள்ளது. சாலை எவ்வளவு உயரமாக உயர்த்தப்படும் என்பது பற்றிய விவரங்கள் இன்னும் அதிகாரப்பூர்வமாக குறிப்பிடப்பவில்லை.
வரும் 2024ம் ஆண்டின் முதல் காலாண்டிற்குள் புக்கிட் திமா பகுதியில் பாதாள சாக்கடை விரிவாக்கப் பணிகள் முடிவடைவதற்கு முன்பாக, சாலையை உயர்த்துவது ஒரு இடைக்கால வெள்ளம்-தடுப்பு நடவடிக்கையாக இருக்கும் என்று நம்பப்படுகிறது. புக்கிட் திமா கால்வாயின் 900 மீ பகுதியை அகலப்படுத்தவும் ஆழப்படுத்தவும் வடிகால் மேம்பாட்டு திட்டம் சிக்கலை தீர்க்க உதவும் என்று PUB நம்புகிறது.
கடந்த செவ்வாய்க்கிழமை (ஆகஸ்ட் 24), பெய்த கனமழையால் திடீர் வெள்ளப்பெருக்கு ஏற்பட்டது. இதன் விளைவாக சிம் டார்பி மையத்திற்கும், பிஞ்சாய் பூங்காவிற்கும் இடையில் டியூனெர்ன் சாலை நீட்டிப்பு சுமார் 40 நிமிடங்கள் செல்ல முடியாததாக மாறியது.