சிங்கப்பூர் பூன் லேயில் கட்டுமானத்தில் இருந்த கட்டிடத்தின் நான்காவது மாடியில் இருந்து விழுந்த இந்திய புலம்பெயர்ந்த தொழிலாளி ஒருவர் கடந்த திங்கள்கிழமை (நவம்பர் 15) அன்று மரணித்த சம்பவம் பெரும் சோகத்தை ஏற்படுத்தியுள்ளது. சிங்கப்பூர் மனிதவள அமைச்சகம் வெளியிட்ட (MOM) தகவலின்படி 22 சின் பீ ரோட்டில் இந்த அபாயகரமான விபத்து நிகழ்ந்துள்ளது.
இதையும் படியுங்கள் : சிங்கப்பூரில் இந்திய தொழிலாளி பலி – லாரி ஓட்டுநர் கைது
சிங்கப்பூரில் உள்ள சக்சஸ் இன்ஜினியரிங் & ஸ்டீல் நிறுவனத்தில் பணிபுரிந்து வந்த 35 வயதான இந்திய நாட்டவர், கட்டிடத்தின் நான்காவது மாடியில் இருந்து பூம் லிப்ட் மேடையில் ஏற முயன்றபோது தவறி கீழே விழுந்தார் என்று முதற்கட்ட தகவல் விளக்குகிறது. விபத்து ஏற்பட்ட உடன் அவர் Ng Teng Fong பொது மருத்துவமனைக்கு கொண்டு செல்லப்பட்டார் என்றும், அங்கு அவர் சிகிச்சை பலனின்றி அவருக்கு ஏற்பட்ட காயங்களால் இறந்தார் என்றும் தகவல் வெளியாகியுள்ளது.
இந்த சம்பவம் குறித்து விசாரணை நடத்தி வருவதாகவும், பணியிடத்தை ஆக்கிரமித்துள்ள லாஜிஸ்டிக்ஸ் கன்ஸ்ட்ரக்ஷனுக்கு அங்குள்ள அனைத்து வேலைகளையும் நிறுத்துமாறு அறிவுறுத்தியுள்ளதாக MOM தெரிவித்துள்ளது. அக்டோபர் 17 வெளியிட்ட பேஸ்புக் பதிவில், சக்சஸ் இன்ஜினியரிங் & ஸ்டீல், 22 சின் பீ ரோட்டில் உணவு பதப்படுத்தும் தொழிற்சாலையை உருவாக்கும் திட்டத்தில் ஈடுபட்டுள்ளதாக கூறியுள்ளது குறிப்பிடத்தக்கது. இந்த ஆண்டில் லாஜிஸ்டிக்ஸ் கட்டுமான பணியை நிறுத்த உத்தரவிடப்படுவது இது இரண்டாவது முறையாகும்.
தமிழ் சாகாவின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/saagatamil
MOM-ன் வலைத்தளத்தின்படி, கடந்த 2020ம் ஆண்டு முழுவதும் 30 பணியிட இறப்புகளுடன் ஒப்பிடுகையில், சமீபத்திய இறப்பு இந்த ஆண்டு இதுவரை பணியிட இறப்புகளின் மொத்த எண்ணிக்கையை 33 ஆக உள்ளது. பணியிடப் பாதுகாப்பு மற்றும் சுகாதார கவுன்சிலின் நடைமுறைக் குறியீட்டின்படி, உயரத்தில் பாதுகாப்பாக வேலை செய்ய, பூம் லிஃப்ட் போன்ற மொபைல் உயர்த்தப்பட்ட பணி தளங்கள், மக்கள் உயரத்தில் நுழைவதற்கோ வெளியேறுவதற்கோ வடிவமைக்கப்படவில்லை என்பது குறிப்பிடத்தக்கது.