சிங்கப்பூரில், இந்தோனேஷியா நாட்டை சேர்ந்த 39 வயது வெளிநாட்டு வீட்டுப் பணிப்பெண் ஒருவர், பல மாதங்களாக தான் வேலை செய்துவந்த குடும்பத்திற்கு உதவி வந்த நிலையில், அவர் மகிழ்ச்சியில் கண்கலங்கும் விதத்தில் ஒரு இன்ப அதிர்ச்சியை கொடுத்துள்ளார் அந்த பணிப்பெண் வேலை செய்து வந்த வீட்டின் முதலாளி. அந்த வெளிநாட்டு வீட்டுப் பணிப்பெண்ணுக்கு பிறந்தநாள் சர்ப்ரைஸ் கொடுக்கப்பட்டபோது எடுக்கப்பட்ட காட்சிகள் கடந்த பிப்ரவரி 6 அன்று சமூக ஊடகங்களில் வெளியிடப்பட்டது.
அந்த வெளிநாட்டு வீட்டுப் பணிப்பெண் ரூனா, இந்தோனேசியாவைச் சேர்ந்தவர் மற்றும் கடந்த மே 2021ல் இந்த குடும்பத்திற்காக வேலை செய்யத் தொடங்கினார். 34 வயதான அந்த பணிப்பெண்ணின் முதலாளியான அன்னா லேமன், ஊடகங்களின் கேள்விகளுக்குப் பதிலளித்தார் அதில், அவரும் அவரது கணவரும் இதற்கு முன்பு ருவேனா தனது பிறந்தநாளைக் கொண்டாடியதில்லை என்று கூறியதைக் கேள்விப்பட்டதாக கூறினார்கள். எங்கள் குடும்பம் ஏழ்மையான குடும்பம் என்பதால் பிறந்தநாளும் மற்ற நாட்களைப் போலத்தான் கடந்துசெல்லும் என்று கூறியுள்ளார்.
