சிங்கப்பூரில் நேற்று வியாழக்கிழமை (செப்டம்பர் 16) 910 புதிய பெருந்தொற்று வழக்குகள் பதிவாகியுள்ளன, சிங்கப்பூரில் இதுவரை பதிவான அதிகபட்ச ஒரு நாள் பாதிப்பில் இதுவும் ஒன்று என்பது நினைவுகூரத்தக்கது. சமூகத்தில் 803 புதிய வழக்குகள் மற்றும் வெளிநாடுகளில் இருந்து சிங்கப்பூர் திரும்பிய நான்கு வழக்குகள் மற்றும் தங்குமிட குடியிருப்பாளர்களிடையே 103 வழக்குகள் பதிவாகியுள்ளன என்று சுகாதார அமைச்சகம் தெரிவித்துள்ளது.
மேலும் புதிய உள்ளூர் வழக்குகளில், 244 பேர் 60 வயதுக்கு மேற்பட்ட மூத்தவர்கள் ஆவர். இதனையடுத்து தடுப்பூசி போடப்படாத 72 வயது பெண்மணி ஒருவர் நேற்று தொற்றுக்கு பலியாகியுள்ளார். இது சிங்கப்பூரில் தொற்று பாதிப்பால் இறந்தவர்களின் எண்ணிக்கையை 59ஆக உயர்த்தியுள்ளது. கடந்த வியாழக்கிழமை இறந்த பெண், செப்டம்பர் 4 அன்று தொற்று தொடர்பான அறிகுறிகளை பெற்றுள்ளார். மேலும் அன்றே அவருக்கு பெருந்தொற்று இருப்பது உறுதியானது.
அந்த பெண்மணிக்கு மார்பு வலி, கிரேவ்ஸ் நோய், உயர் இரத்த அழுத்தம் மற்றும் டிஸ்லிபிடேமியா வரலாறு இருந்தது தெரியவந்துள்ளது. கிரேவ்ஸ் நோய் என்பது நோயெதிர்ப்பு மண்டலக் கோளாறு ஆகும். இது தைராய்டு ஹார்மோன்களின் அதிகப்படியான உற்பத்திக்கு காரணமாகிறது, அதே நேரத்தில் டிஸ்லிபிடீமியா இரத்தத்தில் ஆரோக்கியமற்ற கொழுப்பின் அளவைக் குறிக்கிறது.
மேல் ஜூரோங் சாலையில் உள்ள ப்ளூ ஸ்டார்ஸ் தங்குமிடத்தில், நேற்று வியாழக்கிழமை 46 புதிய வழக்குகளைச் சேர்த்துள்ளது. MOH dormitoryயில் உள்ள தொற்றுக்களை மிகவும் நெருக்கமாக கவனித்து வருகின்றது. முன்கூட்டிய சோதனை மூலம் தங்குமிட குடியிருப்பாளர்களிடையே கோவிட் -19 பரவுவதை கண்டறிந்துள்ளதாகவும், அனைத்து குடியிருப்பாளர்களும் சோதனை செய்யப்பட்டு வருவதாகவும் அமைச்சகம் தெரிவித்துள்ளது.
சிங்கப்பூரில் பெருந்தொற்று எண்ணிக்கை 74,848 ஆக உயர்ந்துள்ளது. மேலும் சிமேயில் உள்ள Orange Valley பள்ளத்தாக்கு நர்சிங் ஹோம் இப்போது மொத்தமாக 14 நோய்த்தொற்றுகளைக் கொண்டுள்ளது. அதே போல ரென் சி நர்சிங் ஹோமில் தற்போது இரண்டு புதிய வழக்குகள் பதிவாகியுள்ளது. அந்த கிளஸ்ட்டரில் இப்போது 34 வழக்குகள் உள்ளன.
சைனாடவுன் பகுதி கடந்த வியாழக்கிழமை 3.5 நாள் பூட்டுதலுக்கு பிறகு திறக்கப்பட்டது. நோய் பரவலால் அந்த சுத்தம் செய்யும் பணி நடந்து முடிந்தபிறகு திறக்கப்பட்டது. இந்நிலையில் சைனாடவுன் காம்ப்ளக்ஸ் கிளஸ்டரில் மேலும் 17 வழக்குகள் கண்டறியப்பட்டுள்ளன. டோ பயோ, டம்பைன்ஸ் மற்றும் புங்கோல் ஆகிய மூன்று பேருந்து நிலையங்களில் ஊழியர்களுடன் இணைக்கப்பட்ட கிளஸ்ட்டர் தற்போது 14 புதிய வழக்குகளைக் கண்டுள்ளது. இந்த பரிமாற்றங்களில் மொத்த வழக்குகளின் எண்ணிக்கை தற்போது 413 ஆக உயர்ந்துள்ளது.
சிங்கப்பூரில் தற்போது 837 பெருந்தொற்று நோயாளிகள் மருத்துவமனையில் சேர்க்கப்பட்டுள்ளனர், முந்தைய நாள் 822 பேர் மருத்துவமனையில் சிகிச்சை பெற்று வந்தது குறிப்பிடத்தக்கது. தீவிர சிகிச்சை பிரிவில் 77 பேருக்கு ஆக்ஸிஜன் சப்ளிமெண்ட் வழங்கப்பட்டுள்ளது. மேலும் 12 பேர் ஆபத்தான நிலையில் உள்ளனர். மிகவும் நோய்வாய்ப்பட்டவர்களில் 69 பேர் 60 வயதுக்கு மேற்பட்டவர்கள் ஆவர்.