சிங்கப்பூரில் தற்போது செயல்பாட்டில் இல்லாத, குழந்தை பராமரிப்பு மையத்தின் முன்னாள் உதவி இயக்குநர் மற்ற இருவருடன் சேர்ந்து, ஒரு அரசு நிறுவனத்தை மோசடி செய்து கிட்டத்தட்ட 5,000 வெள்ளி குழந்தை பராமரிப்பு மானியங்களை வழங்கியுள்ளார். அருளானந்தம் ராஜேஸ்வரிக்கு பதவி உயர்வு வழங்கப்படுவதற்கு முன்பு பல கல்வி மையங்களில் முதல்வராக இருந்த அவருக்கு கடந்த செவ்வாய்க்கிழமை (செப்டம்பர் 21) 6,000 வெள்ளி அபராதம் விதிக்கப்பட்டுள்ளது.
53 வயதான அவர் தன மீது சுமத்தப்பட்ட 2,100 வெள்ளி மோசடி சம்பந்தப்பட்ட இரண்டு குற்றச்சாட்டுகளை ஒப்புக்கொண்டார். மேலும் அவருக்கு தண்டனை வழங்கும்போது மேலும் ஆறு குற்றச்சாட்டுகளை கவனத்தில் கொண்டார் மாவட்ட நீதிபதி வோங் லி டீன். கடந்த 2016ம் ஆண்டில் ஆரம்பகால குழந்தை பராமரிப்பு மேம்பாட்டு முகமைக்கு (ECDA) பல தவறான மானியக் கோரிக்கைகளை சமர்ப்பிக்க ராஜேஸ்வரி மற்ற இரண்டு கூட்டாளிகளான ஜோசபின் டான் போ சூ (53) மற்றும் பாத்திமா பிவி முகமது ஷெரிஃப் (43)உடன் இணைந்து சதி செய்துள்ளார்.
கடந்த 2015 அல்லது ஜனவரி 2016ல், டான் ராஜேஸ்வரிக்கு, அடிப்படை குழந்தை பராமரிப்பு மானியக் கோரிக்கைகளை ECDA விற்கு சமர்ப்பிக்குமாறு அறிவுறுத்தினார் என்று கூறப்படுகிறது. மானியங்களுக்கு விண்ணப்பிக்க விரும்பும் பெற்றோர்களால் குழந்தை பராமரிப்பு மையங்களில் சமர்ப்பிக்கப்பட்ட படிவங்களில் முன்னர் பெறப்பட்ட தகவல்களை ராஜேஸ்வரி பயன்படுத்த வேண்டும். மானியக் கோரிக்கைகள் சமர்ப்பிக்கப்படும் ECDAவின் குழந்தை பராமரிப்பு இணைப்பு அமைப்பில் குழந்தைகளின் வருகையை அவர் “உறுதிப்படுத்த” முனைந்தார்.
மேலும் பாத்திமா “உள்நுழைவு மற்றும் வெளியேறுதல்” படிவங்களில் பெற்றோர்கள் “சார்பாக” கையெழுத்திடுவார், அங்கு குழந்தைகள் சொல்லப்படுவதாகக் காட்டப்படும். இதையடுத்து மூவரின் தவறான கூற்றுகளின் விளைவாக ECDA 4,800 வெள்ளி வழங்கியது. இதன் விளைவாக ஆகஸ்ட் 31, 2016 அன்று ஒரு போலீஸ் அறிக்கை அளிக்கப்பட்டது. குற்ற ஆவணங்கள் எவ்வாறு கண்டுபிடிக்கப்பட்டன என்பதை நீதிமன்ற ஆவணங்கள் குறிப்பிடவில்லை.