கமோதே போலீசார் சிங்கப்பூரினை சேர்ந்த நிறுவனத்தில் 15 நாட்களுக்குள் வேலை வாங்கி தருவதாக கூறி 3 லட்சம் வரை வாங்கி ஏமாற்றியதாக தகவல்கள் தெரிவிக்கிறது. இதற்காக அவர்கள் மீது எஃப்.ஐ.ஆர்ரும் போடப்பட்டு இருக்கிறது.
எஃப்.ஆர்.ஐ தகவலின்படி, மார்ச் 21 அன்று, CBD-பேலாபூரில் உள்ள மல்வான் தட்கா ஹோட்டலில் பணியாளராகப் பணிபுரியும் ஜெகநாத் சாஹு (34), ராகுல் கஜாரே மற்றும் தேஜஸ்வினி கிழஞ்சே தான் தன்னை ஏமாற்றியவர்கள் எனத் தெரிவித்தார். இவர்கள் இருவரும் வெளிநாட்டு வேலை ஆட்சேர்ப்புக்கான வாடகை அலுவலகத்தை நியூ பன்வெல்லில் நிறுவி இருக்கின்றனர்.
கடந்த ஆண்டு மே மாதம், அவரும் அவரது நண்பர்களான நிரஞ்சன் கேசி மற்றும் டெக்லால் ராம் ஆகியோர் வெளிநாட்டில் வேலை பெற திட்டமிட்டிருந்ததால், ஏஜென்ட்களான கஜாரே மற்றும் கிழஞ்சே ஆகியோரின் மொபைல் எண்களைப் பெற்று, பூஜா வளாகம், செக்டார் 17, நியூ பன்வேலில் உள்ள அவர்களது அலுவலகத்தை அடைந்ததாக சாஹு கூறியுள்ளார்.
இதையும் படிங்க: இரண்டு மாத சம்பளம் மட்டுமே ஏஜென்ட் கட்டணம்… சிங்கையில் வேலைக்கு வர இந்த பாஸ் போதும்… சில நாட்களே அப்ரூவல்… இத படிங்க!
இருவரும் சிங்கப்பூரில் உள்ள ஷெல் பெட்ரோலியம் மேலாண்மை நிறுவனத்தில் வேலை வாங்கித் தருவதாக உறுதியளித்ததோடு, தலா ரூ.1.60 லட்சமும், மருத்துவப் பரிசோதனைக்காக ரூ.3,500 கமிஷனும் கேட்டனர். பின்னர், சாஹுவும் அவரது இரண்டு நண்பர்களும் கிழஞ்சேவுக்கு டிஜிட்டல் பணம் செலுத்தினர் மற்றும் தொகையில் ஒரு பகுதியை பணமாகவும் செலுத்தினர். அதன்பிறகு, வேலை தேடுபவர்கள் மூவரும் பேலாபூரில் உள்ள மை லேப் ஹெல்த் கேர் நிறுவனத்திற்கு அனுப்பி வைக்கப்பட்டனர். அங்கு அவர்களது மருத்துவ பரிசோதனை செய்யப்பட்டது.
இதை தொடர்ந்து, குற்றம் சாட்டப்பட்டவர்கள் சிங்கப்பூருக்கு விசா மற்றும் விமான டிக்கெட்டுகளைப் பெறுவது நேரம் எடுக்கும். ஜூலை 2022க்குள் வேலை கிடைத்து விடும் எனக் கூறி அவர்களின் பாஸ்போர்ட்டை எடுத்துக்கொண்டனர். 15 நாட்களில் ஆட்சேர்ப்பு செய்யப்படாவிட்டால், அவர்களுக்கு பணத்தைத் திருப்பித் தந்து விடுகிறோம். அதுவும் 10 சதவீத வட்டி போட்டு தருவதாக ஏஜென்டாக கூறி இருக்கின்றனர்.
இரண்டு ஏஜென்ட்களும் சிங்கப்பூர் நிறுவனத்தில் வேலையில் சேர்த்து விடாமல் காலம் தாழ்த்தி இருக்கின்றனர். இதனால் காசு கொடுத்தவர்கள் அவர்களிடம் விசாரித்த போது, சிங்கப்பூர் நிறுவனத்தின் நியமனக் கடிதங்கள், அவர்களின் விசாவின் புகைப்பட நகல் மற்றும் அவர்களின் வேலை அடையாள அட்டைகளைக் காட்டி, மூன்று நாட்களில் அது ஒப்படைக்கப்படும் என்று கூறினார்.
ஆனால், அந்த ஆவணங்கள் அவர்களிடம் மூன்று நாட்கள் ஆகியும் ஒப்படைக்கப்படவில்லை. தொடர்ந்து மழுப்பலான பதில்களை அளித்து வந்தனர். தங்கள் பணத்தைத் திரும்பக் கேட்டபோது, இருவரும் தலா ரூ. 1 லட்சம் காசோலைகளை வழங்கினர், ஆனால் தேதி குறிப்பிடப்படவில்லை. காசை கொடுத்தவர்கள் ஏஜென்ட்டுகளின் வங்கியில் சோதனை செய்ததில் அவர்களது கணக்கில் இருப்பு இல்லை என்பது தெரியவந்தது.
தொடர்ந்து பல மாதங்கள் குற்றம் சாட்டப்பட்டவர்களைப் பின்தொடர்ந்த பிறகும், அவர்களுக்கு சிங்கப்பூரில் வேலை வாங்கி தரப்பட முடியவில்லை. ஏஜென்ட்களால் பணத்தைத் திருப்பித் தரவில்லை என்பதால், சாஹு மார்ச் 21 அன்று இருவருக்கும் எதிராக எஃப்ஐஆர் பதிவு செய்யப்பட்டு இருப்பது குறிப்பிடத்தக்கது.