SINGAPORE: சிங்கப்பூரில் உள்ள ஒரு வெளிநாட்டு கட்டுமானத் தொழிலாளி, வெளிநாடுகளில் உள்ள ஆபத்தான பயங்கரவாத அமைப்புக்கு நிதியுதவி செய்வதற்காக 2020ம் ஆண்டு, கிட்டத்தட்ட 900 டாலர் பரிமாற்றம் செய்ததால் அவருக்கு இரண்டு ஆண்டுகள் எட்டு மாதங்கள் சிறைத்தண்டனை விதிக்கப்பட்டது.
சிங்கப்பூரில் 27 வயதான அகமது பைசல் என்பவர் கட்டுமான ஊழியராக பணிபுரிந்து வருகிறார். இவர் வங்கதேச நாட்டைச் சேர்ந்தவர். இவர் Medical Aid Syria (MAS) மற்றும் சிரியாவிற்கான Ramadan 2020 Emergency Homes-க்கு பல்வேறு ஆன்லைன் தளங்கள் மூலம் 15 நிதி பரிமாற்றங்களைச் செய்திருக்கிறார்.
சிரியாவை தளமாகக் கொண்ட பயங்கரவாதக் குழுவான Hay’at Tahrir al-Sham (HTS) க்கு இந்த பணத்தை அவர் கொடுத்திருக்கிறார்.
இந்நிலையில், Terrorism (Suppression of Financing) சட்டத்தின் கீழ் ஐந்து குற்றச்சாட்டுகளை அகமது பைசல் ஒப்புக்கொண்டதையடுத்து, திங்கள்கிழமை (பிப்ரவரி 21) தண்டனை விதிக்கப்பட்டது.
இதுகுறித்து சிங்கப்பூர் உள்துறை அமைச்சகம் (MHA) கூறுகையில், “அகமது 2017-ல் சிங்கப்பூரில் கட்டுமானத் தொழிலாளியாக வேலை செய்யத் தொடங்கினார், அடுத்த ஆண்டு தீவிரமயமாக்கப்பட்டார்.
அவர் ஆரம்பத்தில் போராளிக் குழுவான Islamic State of Iraq and Syria(ஐஎஸ்ஐஎஸ்) ஐ ஆதரித்தார். மேலும், ஒரு இஸ்லாமிய கலிபாவை நிறுவ உதவுவதற்காக சிரியாவுக்குச் செல்வதற்கு கூட யோசித்தார்.
ஆனால் அங்கு செல்வதற்கு அவருக்கு பண வசதி இல்லை.
2019 ஆம் ஆண்டில், இஸ்லாமிய கலிபாவை அடைவதில் அப்பாவி பொதுமக்களைக் கொன்ற வீடியோக்களைப் பார்த்து, அகமது ISIS மீது ஏமாற்றமடைந்தார் என்று துணை அரசு வழக்கறிஞர்கள் செங் யூக்ஸி மற்றும் எஸ்தர் வோங் நீதிமன்ற ஆவணங்களில் தெரிவித்தனர்.
இதுகுறித்து அரசு வழக்கறிஞர்கள் கூறுகையில், “அகமது HTS ஐ ஆதரிக்கத் தொடங்கினார், HTS அதன் இலக்குகளை அடைவதில் ISIS ஐ விட கொடூரமாக நடந்துகொள்வதில் சற்று மென்மையானது என்பதை அவர் புரிந்துகொண்டார்,” என்று அவர்கள் மேலும் கூறினர்.
அதே நேரத்தில், MAS ஆல் நடத்தப்பட்ட சிரியாவின் இட்லிப்பில் உள்ள ஒரு மருத்துவமனையில் பணிபுரிந்ததாகக் கூறப்படும் வங்காளதேசத்தைச் சேர்ந்த ஒரு மருத்துவ டாக்டர் ஷாஜுல் இஸ்லாமின் முகநூல் பக்கத்தையும் அகமது பின்தொடரத் தொடங்கினார்.
வன்முறை மூலம் சிரிய அரசாங்கத்தை கவிழ்ப்பதை ஆதரிக்கும் பதிவுகளை அவர் வெளியிட்டதாகவும், அந்த நோக்கத்தை அடைவதில் HTS உறுப்பினர்களுக்கு ஆதரவாக குரல் கொடுத்ததாகவும் நீதிமன்றத்தில் தெரிவிக்கப்பட்டுள்ளது.
MAS ஆல் நடத்தப்படும் மருத்துவமனைக்கான நிதி திரட்டும் பிரச்சாரத்தின் ஒரு பகுதியாக, டாக்டர் ஷாஜுல் தனது பேஸ்புக் பக்கத்தில் வீடியோக்களை நேரலையில் ஒளிபரப்பினார்.
காயமடைந்த HTS வீரர்களுக்கு மருத்துவமனையில் சிகிச்சை அளித்ததாகவும் அவர் விளம்பரப்படுத்தினார்.
இந்த விளம்பரங்களை எல்லாம் பார்த்து ஈர்க்கப்பட்ட அகமது, MAS க்கு பணம் அனுப்பியதாக நீதிமன்றத்தில் தெரிவிக்கப்பட்டுள்ளது.