Singapore: 2024-ம் ஆண்டின் கடைசி முழு நிலவான குளிர் நிலவு, சிங்கப்பூரின் வானை பிரகாசமாக்கி வருகிறது. இந்த அற்புதமான நிகழ்வு, வருடத்திற்கு ஒரு முறை நிகழும் சிறப்பு வானியல் நிகழ்வுடன் இணைந்துள்ளது. 18.6 ஆண்டுகளுக்கு ஒரு முறைதான் இந்த நிகழ்வு நடைபெறும் என்பது குறிப்பிடத்தக்கது.
அமெரிக்காவின் விண்வெளி அமைப்பான நாசா (NASA), டிசம்பர் 13-ஆம் தேதி இரவு முதல் 16-ஆம் தேதி காலை வரை நிலவு முழுமையாக தெரியும் என்று கூறியுள்ளது. எனினும், நிலவு தனது முழுமையை 15-ஆம் தேதி அடைந்துள்ளது .
NationsGeo அறிக்கையின்படி, சிங்கப்பூரில் குளிர் நிலவு ஞாயிற்றுக்கிழமை இரவு 7.02 மணிக்கு கிழக்கு திசையில் உதயமாகி, டிசம்பர் 16 ஆம் தேதி காலை 6.35 மணிக்கு மேற்கில் மறையும் என்று தெரிவிக்கப்பட்டுள்ளது. இந்தத் தகவல் சிங்கப்பூரில் வசிக்கும் வானியல் ஆர்வலர்கள் மற்றும் புகைப்படக் கலைஞர்களுக்கு மிகவும் பயனுள்ளதாக இருக்கும்.
குளிர் நிலவு என்றால் என்ன?
குளிர் நிலவு என்பது பொதுவாக டிசம்பர் மாதத்தில் வரும் முழு நிலவை குறிக்கும். இந்த நேரத்தில் வடக்கு அரைக்கோளத்தில் குளிர் காலம் தொடங்கிவிடும் என்பதால், இந்த நிலவுக்கு இந்த பெயர் வந்தது.
சிங்கப்பூரில் பல இடங்களில் இருந்து குளிர் நிலவை தெளிவாக காணலாம். கடற்கரை, மலைப்பகுதி, அல்லது திறந்தவெளி இடங்களில் இந்த நிகழ்வை காணலாம். இந்த நிகழ்வு பொதுமக்களிடையே வானியல் ஆர்வத்தை அதிகரிக்கிறது.
இந்த அரிய வானியல் நிகழ்வு, புகைப்பட ஆர்வலர்களுக்கு ஒரு சிறந்த வாய்ப்பாக அமைந்தது. பலரும் தங்களது கேமராக்களைப் பயன்படுத்தி, குளிர் நிலவின் அழகை பதிவு செய்தனர்.
