சிங்கப்பூரில் டம்பைன்ஸில் உள்ள செஞ்சுரி ஸ்கொயர் மாலில் உள்ள உயரமான மேடையில் இருந்து தவறி விழுந்த 74 வயதான சிங்கப்பூர் தளவாட தொழிலாளி இறந்த சம்பவம் அந்த பகுதியில் பெரும் சோகத்தை ஏற்படுத்தியுள்ளது. ஆகஸ்ட் 13ம் தேதி அன்று இந்த விபத்து ஏற்பட்டது குறிப்பிடத்தக்கது.
இறந்த அந்த நபர் சம்பவத்தன்று ஒரு கை தள்ளுவண்டியை பின்னோக்கி இழுத்துக்கொண்டிருந்தபோது, ஒரு வளைவுக்கு அடுத்த 1 மீ உயர மேடையின் திறந்த பக்கத்திலிருந்து கீழே விழுந்துள்ளார். சரியான வளைவுக்கு பதிலாக உயரமான மேடையின் திறந்த பக்கத்தில் அவர் தவறுதலாக நுழைந்திருக்கலாம் என பணியிட பாதுகாப்பு மற்றும் சுகாதாரம் (WSH) கவுன்சில் நேற்று திங்களன்று (ஆகஸ்ட் 23) வெளியிட்ட ஒரு அறிக்கையில் தெரிவித்துள்ளது.
ஏஎஸ்டி லாஜிஸ்டிக்ஸ் நிறுவனத்தில் பணிபுரிந்த அந்த தொழிலாளி உடனடியாக சாங்கி பொது மருத்துவமனைக்குக் கொண்டு செல்லப்பட்டார். அங்கு அவர் சிகிச்சை பெற்றுவந்த நிலையில் சிகிச்சை பலனின்றி அடுத்த நாள் இறந்தார் என்று மனிதவள அமைச்சகம் (எம்ஓஎம்) தெரிவித்துள்ளது.
தற்போது இந்த நிகழ்வு குறித்து விசாரணை நடந்து வருகின்றது என்பது குறிப்பிடத்தக்கது. எச்சரிக்கை பலகைகளை நிறுவுதல் அல்லது உயரமான மேடைகளின் திறந்த பக்கங்களில் பிரகாசமான எச்சரிக்கை கொடிகளை நட்டு அபாயங்களை தெளிவாகத் தெரியும்படி வைப்பதற்கும் கவுன்சில் பரிந்துரை செய்துள்ளது. இந்த ஆண்டின் தொடக்கத்திலிருந்து குறைந்தது 26 பணியிட இறப்புகள் நிகழ்ந்துள்ளன என்றும் அமைச்சகம் தெரிவித்துள்ளது.