சிங்கப்பூர் சாங்கி விமான நிலைய டெர்மினல் 2, வரும் மாதங்களில் பயணிகளின் வருகை அதிகரிப்பதைச் சமாளிக்க மே 29 முதல் படிப்படியாக மீண்டும் திறக்கப்படும் என்று சாங்கி விமான நிலையக் குழுமம் (CAG) நேற்று ஞாயிற்றுக்கிழமை (மே 22) தெரிவித்துள்ளது.
கடந்த மே 2020ம் ஆண்டு முதல் மேம்படுத்தும் பணிகளுக்காக முனையம் மூடப்பட்டது குறிப்பிடத்தக்கது. டெர்மினல் 2ன் செயல்பாடுகள் 18 மாதங்களுக்கு இடைநிறுத்தப்பட வேண்டும் என்ற நிலையில் அது பெருந்தொற்றால் சுமார் இரண்டு ஆண்டுகளுக்கும் மேலாக மூடப்பட்டது.
மேம்படுத்தும் பணிகள் 2024ம் ஆண்டு நிறைவடையும் என்றபோது, இந்த விரிவாக்கம் முனையத்தின் திறனை ஆண்டுக்கு 5 மில்லியன் முதல் 28 மில்லியன் பயணிகள் இயக்கத்தை உயர்த்தும் என்பது குறிப்பிடத்தக்கது.
“டெர்மினல் 2ன் முற்போக்கான மறு திறப்பின் முதல் கட்டத்தில், வருகை குடியேற்றம், பேக்கேஜ் க்ளைம் பெல்ட்கள் மற்றும் டெர்மினலின் தெற்குப் பிரிவில் உள்ள தொடர்பு வாயில்கள் போன்ற முக்கிய இடங்களில் விமான நடவடிக்கைகளுக்கு தயாராக இருக்கும்” என்று CAG தெரிவித்துள்ளது.
விரிவாக்கப்பட்ட டெர்மினல் 2 அதிக தானியங்கி குடிவரவு பாதைகள் மற்றும் சிறப்பு உதவி பாதைகளுடன் கூடிய பெரிய வருகை குடியேற்ற நிலையத்தை கொண்டிருக்கும்.
இந்நிலையில் வரும் மே 29ம் தேதி முதல் சாங்கி விமான நிலைய முனையம் 2 படிப்படியாக மக்கள் பயன்பாட்டிற்கு திறக்கப்படும் என்ற அறிவிப்பு வெளியாகியுள்ளது.
