சிங்கப்பூரில் அனைத்து ஆரம்ப மற்றும் மேல்நிலைப் பள்ளிகளுக்கான 2022ம் கல்வி ஆண்டு, வருகின்ற ஜனவரி 4ம் தேதி செவ்வாய்க்கிழமை தொடங்கி நவம்பர் 18 வெள்ளிக்கிழமை அன்று முடிவடையும் என்று கல்வி அமைச்சகம் (MOE) இன்று புதன்கிழமை (ஆகஸ்ட் 11) வெளியிட்ட அறிவிப்பில் தெரிவித்துள்ளது. ஜூனியர் கல்லூரிகள் மற்றும் மில்லினியா இன்ஸ்டிடியூட்டில் நுழையும் மாணவர்கள் பிப்ரவரி 7 திங்கள் அன்று தங்களது படிப்பை தொடங்குவார்கள் என்றும், மீதமுள்ள மாணவர்கள் ஜனவரி 10 திங்கட்கிழமைக்கு முன்னதாக தொடங்குவார்கள் என்று கூறப்படுகிறது.
விடுமுறை காலம்
2022ம் ஆண்டுக்கான பள்ளிகள், இளைய கல்லூரிகள் மற்றும் மில்லினியா நிறுவனங்களுக்கு நான்கு விடுமுறை காலங்கள் உள்ளன. ஆரம்ப மற்றும் மேல்நிலைப் பள்ளிகளுக்கு, முதல் விடுமுறை காலம் மார்ச் 12ல் தொடங்கி மார்ச் 20ல் முடிவடைகிறது. இரண்டாவது மே 28ல் தொடங்கி ஜூன் 26ல் முடிவடைகிறது; மூன்றாவது செப்டம்பர் 3 முதல் செப்டம்பர் 11 வரையும் மற்றும் நான்காவது நவம்பர் 19 முதல் டிசம்பர் 31 வரையும் இருக்கும்.
ஜூனியர் கல்லூரிகள் மற்றும் மில்லினியா இன்ஸ்டிடியூட் முதல் மூன்று விடுமுறை காலங்களை ஆரம்ப மற்றும் மேல்நிலைப் பள்ளிகளாகப் பகிர்ந்து கொள்கின்றன என்பது குறிப்பிடத்தக்கது. இருப்பினும், பள்ளி ஆண்டு முடிவில் ஜூனியர் கல்லூரி மாணவர்கள் 1ம் ஆண்டு மற்றும் மில்லினியா இன்ஸ்டிடியூட் மாணவர்கள் 1 மற்றும் 2ம் ஆண்டுகளில் விடுமுறை காலம் நவம்பர் 26 முதல் டிசம்பர் 31 வரை இருக்கும்.
மேலும் 2022ம் ஆண்டில் மூன்று திட்டமிடப்பட்ட பள்ளி விடுமுறைகளும் இருக்கும், தேசிய தினத்திற்கு அடுத்த நாளான ஆகஸ்ட் 10ம் தேதி. ஆசிரியர் தினமான செப்டம்பர் 2ம் தேதி மற்றும் குழந்தைகள் தினமான அக்டோபர் 7ம் தேதி விடுமுறை அளிக்கப்படும்.