சீனாவின் Xi’an என்ற இடத்தில் உள்ள Gaoxin என்ற மருத்துவமனையில் எட்டு மாத கர்ப்பிணியாக இருந்த ஒரு பெண்ணுக்கு கருச்சிதைவு ஏற்பட்டதையடுத்து அந்த மருத்துவமனையின் இரண்டு துறைத் தலைவர்கள் பணிநீக்கம் செய்யப்பட்டுள்ளனர் அதே போல அந்த மருத்துவமனையின் பொது மேலாளர் பணி இடைநீக்கம் செய்யப்பட்டுள்ளார். அந்த கர்பிணி பெண் மருத்துவமனைக்குள் நுழைய மறுக்கப்பட்டார் என்று பைனான்சியல் டைம்ஸ் செய்தி வெளியிட்டுள்ளது.
Xi’an பகுதியின் சுகாதார ஆணையத்தின் தலைவருக்கு சீன கம்யூனிஸ்ட் கட்சியிடமிருந்து அவசர சிகிச்சையில் முறைகேடு குறித்த எச்சரிக்கை கிடைத்துள்ளது. கோவிட்-19 பரவல் காரணமாக, கடந்த ஆண்டு டிசம்பர் 23, 2021 முதல், சியான் நகரில் உள்ள சுமார் 13 மில்லியன் குடியிருப்பாளர்கள் பாதிக்கப்பட்டுள்ளனர் என்பது குறிப்பிடத்தக்கது. இந்நிலையில் பாதிக்கப்பட்ட அந்த பெண்ணின் மருமகள் சீன சமூக ஊடகமான வெய்போ மூலம் தனது அத்தையின் அனுபவத்தை விவரித்தார்.
கடந்த ஜனவரி 1ம் தேதி மாலை தனது வயிற்றில் கடுமையான வலி ஏற்பட்டதால் அவரது அத்தை ஆம்புலன்ஸை அழைத்ததாக அவர் கூறினார். இருப்பினும், அவரது அத்தை மருத்துவமனைக்கு வந்தபோது, அவரது கோவிட் -19 சோதனை முடிவு இரண்டு மணி நேரத்திற்கு முன்பே காலாவதியானதால் அவர் மருத்துவமனைக்குள் அனுமதிக்கப்படவில்லை. அவரது அத்தையின் கணவர் அவசர சிகிச்சைக்காக மருத்துவமனை ஊழியர்களிடம் கெஞ்சியபோதும் அவர்கள் உள்ளே செல்ல மறுக்கப்பட்டுள்ளார். மருத்துவமனையின் வெளியே சுமார் நான்கு மணி நேரம் காத்திருந்த நிலையில், இறுதியில் அந்த மருத்துவமனையின் ஊழியர்கள் மனம் மாறி அந்த பெண்ணை உள்ளே அழைத்துச் சென்றனர்.
ஆனால் அதற்குள், அந்தப் பெண்ணுக்கு ஏற்கனவே கருச்சிதைவு ஏற்பட்டது. உள்ளுர் செய்திநிறுவன கூற்றுப்படி, உள்ளூர் அரசாங்கத்தால் ஜனவரி 6 அன்று ஒரு அறிக்கை வெளியிடப்பட்டது என்றும், அந்த சம்பவம் “அலட்சியத்தால் ஏற்பட்ட விபத்து” என்றும் முந்தைய நாள் விசாரணை முடிவடைந்ததாகவும் கூறியது. உள்ளூர் அரசாங்கமும் அந்தப் பெண்ணுக்கு இழப்பீடு வழங்க மருத்துவமனைக்கு உத்தரவிட்டது, மருத்துவமனையும் அந்த பெண்ணிடம் மன்னிப்பு கேட்க வேண்டும் என்று கூறப்பட்டது.
Xi’anனில் உள்ள பெரும்பாலான உள்ளூர் மருத்துவமனைகள் குறைந்த ஆதாரங்கள் காரணமாக நோயாளிகளின் வருகைகளை நிறுத்திவிட்டன. ஏனெனில் அவை வெகுஜன சோதனை மற்றும் கோவிட் -19 நோயாளிகளுக்கு சிகிச்சையளிப்பதற்காக திருப்பி விடப்பட்டுள்ளன என்று கூறப்படுகிறது.
