சிங்கப்பூரில் கேமிங் நாற்காலி தயாரிப்பாளரான “Secretlab” கடந்த சில ஆண்டுகளில் சிறந்த வளர்ச்சியை கண்ட பிறகு சிங்கப்பூரில் 100க்கும் மேற்பட்ட காலி வேலையிடங்களை நிரப்ப விரும்புகிறது என்று அந்த நிறுவனத்தின் இணை நிறுவனர் மற்றும் தலைமை வியூக அதிகாரி அலரிக் சூ கடந்த செவ்வாய்க்கிழமை (ஆகஸ்ட் 31) வெளியிட்ட அறிக்கையில் கூறினார்.
இந்த நிறுவனம் அதன் தயாரிப்புக் குழுவின் அளவை விட இருமடங்கு அளவுக்கு 80 பொறியாளர்கள் மற்றும் வடிவமைப்பாளர்களைத் தற்போது தேடிவருகின்றது. சந்தைப்படுத்தல், மக்கள் தொடர்பு மற்றும் உலகளாவிய செயல்பாட்டுப் பதவிகளில் அதிக நபர்களை நியமிக்கவும் அந்த நிறுவனம் முயற்சிகள் மேற்கொண்டு வருகின்றது.
இந்த புதிய பணிகளில் பெரும்பாலானவை சிங்கப்பூரில் தான் அமைந்திருக்கும், சிலவற்றைத் தவிர, “சீக்ரெட்லேப்” தனது தொழிற்சாலையை வைத்திருக்கும் சீனாவில் அந்த தொழிலாளர்கள் தங்கள் நேரத்தின் 90 சதவீதத்தை செலவிடலாம் என்பதும் குறிப்பிடத்தக்கது. “நாங்கள் கிட்டத்தட்ட ஒவ்வொரு பதவிக்கும் பலகையில் பணியாளர்களை பணியமர்த்துகிறோம் என்றார் திரு சூ. கடந்த சில ஆண்டுகளில் நாங்கள் பாரிய வளர்ச்சியைக் கண்டுளோம் என்றும் தெரிவித்தார்.
சீக்ரெட்லேப் 2014ல் திரு சூ மற்றும் தலைமை நிர்வாக அதிகாரி இயன் ஆங் அவர்களால் நிறுவப்பட்டது. அப்போதிருந்து, இது 60க்கும் மேற்பட்ட நாடுகளில் அதன் புகழ்பெற்ற பணிச்சூழலியல் நாற்காலிகளை விற்று, உலகின் மிகவும் மதிப்பிடப்பட்ட கேமிங் நாற்காலி தயாரிப்பாளர்களில் ஒருவராக தன்னை நிலைநிறுத்திக் கொண்டுள்ளது குறிப்பிடத்தக்கது. ஒவ்வொரு வாரமும் சுமார் 10,000 நாற்காலிகள் வெளிநாடுகளுக்கு அனுப்பப்படுகின்றன.
இந்த நிறுவனத்தில் தற்போது 200 பேர் பணியாற்றி வருகின்றனர்.
