தடுப்பூசி போடப்படாதவர்கள் உட்பட, மேலும் பல புலம்பெயர்ந்த தொழிலாளர்கள் சமூகத்தைப் பார்வையிட விரைவில் அனுமதிக்கப்படுவார்கள் என்று சுகாதார அமைச்சகம் (MOH) வெள்ளிக்கிழமை (ஏப்ரல் 22) வெளியிட்ட அறிக்கையில் தெரிவித்துள்ளது.
ஏப்ரல் 26 முதல், வார நாட்களில் 25,000 புலம்பெயர்ந்த தொழிலாளர்கள் பொது இடங்களுக்கு செல்ல முடியும் என்றும், வார இறுதி நாட்கள் மற்றும் பொது விடுமுறை நாட்களில் 50,000 பேர் வரை (ஒரு வருகைக்கு எட்டு மணிநேரம் வரை) பொது இடங்களுக்கு செல்ல முடியும் என்று MOH தெரிவித்துள்ளது.
தற்போது வார நாட்களில் 15,000 மற்றும் வார இறுதி நாட்கள் மற்றும் பொது விடுமுறை நாட்களில் 30,000 தொழிலாளர்கள் என்ற தற்போதைய அளவில் இருந்து இது அதிகரித்துள்ளது என்பது குறிப்பிடத்தக்கது.
ஏப்ரல் 26 முதல் பெரும்பாலான அமைப்புகளில் தடுப்பூசி-வேறுபட்ட பாதுகாப்பான மேலாண்மை நடவடிக்கைகளை (VDS) நீக்குவதாக அமைச்சகம் அறிவித்துள்ள நிலையில், தடுப்பூசி போடப்படாத புலம்பெயர்ந்த தொழிலாளர்களும் இப்போது சமூக வருகைகளில் பங்கேற்க அனுமதிக்கப்படுவார்கள் என்று MOH தெரிவித்துள்ளது.
அதே போல இனி தடுப்பூசி போடப்படாத தொழிலாளர்களும், பொழுதுபோக்கு மையங்களுக்குச் சென்றுவர, Exit Pass சீட்டுகளுக்கு விண்ணப்பிக்கவோ அல்லது முன் வருகைப் பரிசோதனைகளை மேற்கொள்ளவோ தேவையில்லை.
இருப்பினும், பிரபலமான இடங்களில் கூட்ட நெரிசலை நிர்வகிப்பதற்கு, புலம்பெயர்ந்த தொழிலாளர்கள் அனைவரும் வெளியேறும் அனுமதிச் சீட்டுகளுக்கு விண்ணப்பிக்க வேண்டும் மற்றும் சமூகத்தில் அவர்கள் தேர்ந்தெடுத்த இடங்களைக் குறிப்பிட வேண்டும் என்றும் MOH தெரிவித்துள்ளது.