சிங்கப்பூரில் கடந்த ஞாயிறு இரவு (நவம்பர் 14) ஜூரோங் வெஸ்ட் ஸ்ட்ரீட் 24ல் உள்ள பிளாட் தீப்பிடித்தது. ஒரு குடும்பம் தங்கள் மகளின் திருமண கொண்டாட்டத்தில் இருந்தபோது இந்த தீ விபத்து ஏற்பட்டுள்ளது.
பிளாக் 271C இன் 10வது மாடியில் உள்ள ஐந்து அறைகள் கொண்ட அடுக்குமாடி குடியிருப்பில் தீயை அணைக்க தீயணைப்பு வீரர்கள் முற்பட்டனர். அதிஷ்டவசமாக காயங்கள் எதுவும் ஏற்படவில்லை.
சிங்கப்பூர் குடிமைத் தற்காப்புப் படை (SCDF) ஞாயிற்றுக்கிழமை இரவு 11.55 மணியளவில், வரவேற்பறையில் இருந்த தீ விபத்து குறித்து தகவல் கிடைத்ததாக தெரிவித்தனர்.
SCDF வருவதற்கு முன்பே தொகுதியில் இருந்த சுமார் 80 பேர் தங்கள் வீடுகளை காலி செய்தனர். தீ விபத்துக்கான காரணம் குறித்து விசாரணை நடைபெற்று வருகிறது.
அந்த இடத்தில் வசிப்பவர்களில் ஒருவரான 20 வயது மதிக்கத்தக்க ஒரு நபர், தொழிலாளர்கள் உதவியுடன் பிளாட்டில் இருந்து லிப்ட் தரையிறங்கும் இடத்திற்கு எரிந்த மரச்சாமான்களை எடுத்துச் சென்று கொண்டிருந்ததாக தெரிவிக்கப்பட்டது. ஆன அவர் ஊடகங்களிடம் பேச மறுத்துவிட்டார்
பாதிக்கப்பட்ட பிரிவுக்கு அடுத்ததாக வசிக்கும் திருமதி ஓங் என்று மட்டுமே அறியப்பட விரும்பும் ஒரு பக்கத்து வீட்டுக்காரர், ஐந்து பேர் கொண்ட குடும்பம் அதில் 60 வயதுடைய தம்பதிகள், அவர்களின் இரண்டு மகள்கள் மற்றும் ஒரு மகன் ஆகியோர் தீ விபத்தின் போது திருமணத்தில் இருந்ததாகக் கூறினார்.
50 வயதான கணக்காளர் திருமதி ஓங் கூறுகையில், “அவர்களின் மகள்களில் ஒருவருக்கு திருமணம் நடைபெறவிருந்ததால் குடும்பத்தினர் ஞாயிற்றுக்கிழமை அதிகாலை வீட்டை விட்டு வெளியேறினர். தீ விபத்து ஏற்பட்ட போது அவர்கள் வீட்டில் இல்லை” என தெரிவித்துள்ளார்.
12வது மாடியில் வசிக்கும் திருமதி சாங் லீ லீ, இரவு 11.30 மணியளவில் இடி போன்ற சத்தம் கேட்டதாக கூறினார்.
தீ விபத்தின் காரணங்கள் குறித்து விசாரணை தொடர்ந்து நடைபெறும் என தகவல்கள் கூறுகின்றன.