சிங்கப்பூரில் அழியும் நிலையில் மிகவும் ஆபத்தான நிலையில் உள்ள Raffles’ banded langur வகை குரங்கு கடந்த வெள்ளிக்கிழமை (ஆகஸ்ட் 27) காலை மேல் தாம்சன் சாலையில் இறந்துகிடந்த காட்சி விலங்கு ஆர்வலர்களிடையே பெரும் சோகத்தை ஏற்படுத்தியுள்ளது. இந்த குரங்கின் இறப்பால், சிங்கப்பூரில் இதுபோன்ற 68 குரங்குகள் மட்டுமே எஞ்சியுள்ளன என்று ராஃபிள்ஸ் பேண்டட் லாங்குர் குரங்குகளின் பணிக்குழுவின் தலைவரான ப்ரிமாடாலஜிஸ்ட் ஆண்டி ஆங் கூறினார்.
முகநூல் பயனர் ஜென் மா நேச்சர் சொசைட்டி (சிங்கப்பூர்) குழு பக்கத்தில் ஒரு பதிவில், குரங்கு ஒன்று சாலையை கடப்பதற்கு முன்பாக இறந்ததை குறிப்பிட்டார். தாய் மற்றும் மகனாக இருக்கலாம் என்று கருதக்கூடிய இரண்டு குரங்குகள், தாம்சன் நேச்சர் பூங்காவிலிருந்து சாலையின் குறுக்கே உள்ள இராணுவ வனப்பகுதிக்கு செல்ல முயன்றதாக கருதப்படுவதாக டாக்டர் ஆங் கூறினார்.
திரு. மா என்பவர் தனது காரை நிறுத்தி, அந்த விலங்கின் உடலை சாலையோரத்திற்கு நகர்த்தினார். இறந்த அந்த விலங்கு மற்ற வாகனங்களால் தாக்கப்படுவதைத் தவிர்க்க, அவர் அந்த செயலை செய்ததாக தனது பதிவில் கூறினார். மேலும் அவர் விலங்குகள் பற்றிய ஆராய்ச்சி மற்றும் கல்விச் சங்கத்தையும் (ஏக்கர்) தொடர்பு கொண்டார்.
Raffles’ banded langur குரங்குகள் சிங்கப்பூரில் மிகவும் அரிதானது. மேலும் அதன் மிகவும் இயல்பான உறவினரான மெல்லிய, பழுப்பு-உரோம நீளமான வால் கொண்ட மக்காவு குரங்குகளுடன் அடிக்கடி குழப்பிக்கொள்ளப்படுகிறது என்பது குறிப்பிடத்தக்கது.