“மீண்டும் தனது எல்லைகளை கடுமையாக்கும் சிங்கப்பூர்” : எந்த நாட்டிற்கு தெரியுமா? – முழு விவரம்

நமது சிங்கப்பூர் கடந்த சில மாதங்களாக தொற்று எண்ணிக்கை அதிகம் உள்ள நாடுகளுக்கு தன்னுடைய எல்லைகளை கடுமையாகி வருகின்றது என்பது குறிப்பிடத்தக்கது. இந்நிலையில் நியூசிலாந்தில் பெருந்தொற்று வழக்குகள் அதிகரித்து வருவதால் சிங்கப்பூர், சமீபத்தில் அங்கு சென்று வந்த பயணிகளுக்கான எல்லைக் கட்டுப்பாட்டு நடவடிக்கைகளை கடுமையாக்குகிறது.

வரும் திங்கள்கிழமை (ஆகஸ்ட் 30) ​​இரவு 11.59 முதல், புறப்படுவதற்கு 21 நாட்களுக்கு முன்னர் நியூசிலாந்திற்கு பயண வரலாறு கொண்ட சிங்கப்பூருக்குள் நுழைபவர்கள், பெருந்தொற்று வைரஸுக்கு ஒரு பாலிமரேஸ் சங்கிலி எதிர்வினை (PCR) பரிசோதனையை மேற்கொள்ள வேண்டும் என்றும். மேலும் ஒரு வாரம் தங்கள் இல்லத்தில் தனிமைப்படுத்திக்கொள்ளவேண்டும். SHN முடிவடையும் நேரத்தில் மீண்டும் பரிசோதனை மேற்கொள்ள வேண்டும் என்று அரசு கூறியுள்ளது.

இது சிங்கப்பூர் குடிமக்கள், நிரந்தர குடியிருப்பாளர்கள் மற்றும் நீண்ட கால பாஸ் வைத்திருப்பவர்களுக்கு பொருந்தும். 21 நாட்களில் நியூசிலாந்திற்கு பயண வரலாறு கொண்ட ஏர் டிராவல் பாஸ் வைத்திருக்கும் குறுகிய கால பயணிகள் சிங்கப்பூருக்குள் நுழைய அனுமதிக்கப்பட மாட்டார்கள் என்றும் சுகாதார அமைச்சகம் (MOH) இன்று சனிக்கிழமை (ஆகஸ்ட் 28) வெளியிட்ட ஒரு அறிக்கையில் தெரிவித்துள்ளது.

இதற்கிடையில், சீனாவின் ஜியாங்சு மாகாணத்தில் கோவிட் -19 நிலைமை மேம்பட்டுள்ளதால், அங்கிருந்து வரும் பயணிகள் தனிமைப்படுத்த தேவையில்லை. திங்கட்கிழமை இரவு 11.59 மணி முதல், அவர்கள் வந்தவுடன் PCR சோதனை மட்டுமே எடுக்கவேண்டும். அவர்கள் எதிர்மறை சோதனை செய்தால், அவர்கள் மேலும் கட்டுப்பாடுகளின் கீழ் இருக்க மாட்டார்கள்.