சிங்கப்பூரில் கோவிட்-19 தொற்றுநோயைக் கையாளும் பல அமைச்சக பணிக்குழு, ஓமிக்ரான் அலை விரைவில் நம்மை தாக்கக்கூடியது என்றும் சிங்கப்பூர் அதற்கு தயாராக இருக்க வேண்டும் என்றும் எச்சரித்துள்ளது. இதற்கிடையில், புதிய கோவிட் -19 வழக்குகளின் தினசரி எண்ணிக்கை டிசம்பர் 29 அன்று முதல் முறையாக உலகளவில் 1.6 மில்லியனைத் தாண்டியது, அதன்பிறகு ஒரு நாளைக்கு ஒரு மில்லியனுக்கும் அதிகமாக பதிவானது.கடந்த புதன்கிழமை இரண்டு மில்லியனைத் தாண்டிய அந்த அளவு நேற்று வியாழக்கிழமை (ஜனவரி 5 மற்றும் 6) 2.5 மில்லியனைத் தாண்டியது.
டெல்டாவை விட ஓமிக்ரான் மிகவும் லேசான நோயை தான் ஏற்படுத்தும் என்று நம்பப்பட்டாலும், சில இடங்களில் வழக்குகள் அதிகரித்து வருவதைக் காணும் போது, பாதிக்கப்பட்டவர்களின் உடல் நிலை சற்று மோசமாகவே உள்ளது. இதனால் தற்போது சிங்கப்பூர் இன்று எந்த நிலையில் உள்ளது. வரும் மாதங்களில் நாம் என்ன எதிர்பார்க்கலாம்?. சுகாதார அமைச்சர் ஓங் யே குங் கூறுகையில், Omicron இப்போது இங்குள்ள அனைத்து புதிய சமூக வழக்குகளில் கிட்டத்தட்ட 20 சதவீதத்தை கொண்டுள்ளது, எனவே இது விரைவில் புழக்கத்தில் ஆதிக்கம் செலுத்தும் என்றார்.
கோவிட்-19 வழக்குகள் இங்கு அதிகரித்து வருகின்றன, முந்தைய 20 மாதங்களில் பாதிக்கப்பட்ட மொத்த நபர்களின் எண்ணிக்கையை விட ஆண்டின் கடைசி மூன்று மாதங்களில் அதிக நோய்த்தொற்றுகள் உருவாகியுள்ளன. ஜனவரி 2020 முதல் செப்டம்பர் 2021 இறுதி வரை இங்கு 1,00,000 நோய்த்தொற்றுகள் இருந்தன, இதில் ஏப்ரல் 2020ல் தொடங்கிய வெளிநாட்டு பணியாளர் தங்குமிடத்தில் ஏற்பட்ட தொற்று குழுமம் தொடர்புடைய வழக்குகள் தான் அதிகம்.
தொற்று நோய்களுக்கான தேசிய மையத்தின் (NCID) நிர்வாக இயக்குனர் பேராசிரியர் லியோ யீ சின் கூறுகையில், கடந்த காலாண்டில் ஏற்பட்ட எழுச்சியானது “ஏப்ரல் 2021 இல் சிங்கப்பூருக்கு வந்த டெல்டா மாறுபாட்டால் பெருமளவில் பங்களித்தது” என்றார். அதேபோல பேராசிரியர் குக் பேசும்போது : “அநேகமாக, ஓமிக்ரான் உச்சம் அடைந்தபிறகு, மற்ற நாடுகள் அனுபவிக்கும் மற்றொரு அலையை நாம் எதிர்பார்க்கலாம். இருப்பினும், தடுப்பூசி விகிதம் அதிகரித்திருப்பதால் நோயின் தாக்கம் அதிகம் இல்லாத அலையாக இது இருக்கலாம் என்றார்.
