சிங்கப்பூரில் பார்ட்-டைம் (Part-Time) வேலை செய்ய முடியுமா என்பது உங்களிடம் உள்ள பாஸ் அல்லது விசாவின் வகையைப் பொறுத்து மாறுபடும். சிங்கப்பூர் அரசாங்கத்தின் விதிமுறைகளின்படி, பெரும்பாலான வேலை விசாக்கள் மற்றும் பாஸ்களில் பார்ட்-டைம் வேலை செய்வதற்கு கட்டுப்பாடுகள் உள்ளன. கீழே பல்வேறு பாஸ்கள் மற்றும் அவற்றின் விதிகளைப் பற்றி விளக்கமாகக் காணலாம்:
Work Permit/S-Pass:
Work Permit/S Pass உள்ளவர்களுக்கு Part Time வேலை செய்ய அனுமதி இல்லை. இந்த விசா ஒரு குறிப்பிட்ட முதலாளியுடன் மட்டுமே பணிபுரிய அனுமதிக்கிறது, மேலும் வேறு எந்த வேலைக்கும் மாறவோ அல்லது கூடுதலாக வேலை செய்யவோ முடியாது. வேறு வேலை செய்ய முயன்றால், அது விதிமீறலாகக் கருதப்படும்.
Dependant’s Pass:
Dependant’s Pass என்பது Employment Pass அல்லது S Pass உள்ளவர்களின் மனைவி அல்லது குழந்தைகளுக்கு வழங்கப்படும் பாஸ். Dependant’s Pass உள்ளவர்கள் பார்ட்-டைம் வேலை செய்யலாம், ஆனால் அதற்கு முன் Letter of Consent (LOC) எனப்படும் அனுமதியை Ministry of Manpower (MOM) இடமிருந்து பெற வேண்டும். LOC இல்லாமல் வேலை செய்வது சட்டவிரோதம்.
Student Pass:
சிங்கப்பூரில் படிக்கும் மாணவர்களுக்கு வழங்கப்படும் பாஸ்.
சிங்கப்பூர் Man power ministry விதிகளின் படி, student pass மூலமாக சிங்கப்பூரிற்கு கல்வி பயில வரும் சர்வதேச மாணவர்கள் அனைவருமே Part-Time வேலை செய்வதற்கு தகுதியானவர்கள் ஆவார்கள். இவர்கள் வாரத்திற்கு 16 மணி நேரம் Part-Time வேலை செய்ய முடியும். அதே சமயம் விடுமுறை நாட்களில் எவ்வளவு மணி நேரம் வேண்டுமானாலும் வேலை செய்வதற்கு இவர்களுக்கு அனுமதி உண்டு. ஆனால் சிங்கப்பூரில் Part-Time வேலை செய்யும் மாணவர்களுக்கு சில குறிப்பிட்ட தகுதிகள் இருக்க வேண்டும்.
Part-Time வேலை செய்யும் மாணவர்களுக்கான தகுதிகள் :
- சிங்கப்பூரில் Part-Time வேலை செய்யும் student pass வைத்திருக்கும் மாணவர், சிங்கப்பூரில் உள்ள ஏதாவது ஒரு கல்வி நிறுவனத்தில் முழு நேர course ல் சேர்ந்து படிப்பவராக இருக்க வேண்டும்.
- ICA அங்கீகாரத்துடன் வழங்கப்பட்ட செல்லத்தக்க student pass வைத்திருக்க வேண்டும்.
சிங்கப்பூர் அரசால் அங்கீகரிக்கப்பட்ட கல்வி நிறுவனங்களின் பட்டியலில் அந்த மாணவர் படிக்கும் கல்வி நிறுவனம் இடம்பெறவில்லை என்றால் அவர், சிங்கப்பூரில் Part-Time அல்லது விடுமுறை நாட்களில் full time வேலை பார்க்க தகுதி அற்றவர் ஆவார். - வாரத்திற்கு அதிகபட்சமாக 16 மணி நேரம் மட்டுமே அந்த மாணவர்கள் Part-Time வேலை செய்ய வேண்டும்.
- சிங்கப்பூரில் உள்ள ஏதாவது ஒரு கல்வி நிறுவனத்தில் ஏற்கனவே படித்து விட்டு, அதே கல்வி நிறுவனத்தில் உயர் கல்வி படிக்க விரும்பும் மாணவர்களும் Part-Time வேலை செய்வதற்க தகுதி பெற்றவர்கள்.
- Student pass வைத்திருந்து அதன் மூலம் Part-Time வேலை செய்யும் மாணவர்கள், வேலை செய்வதற்காக தனியாக Work Permit/Pass வைத்திருக்க வேண்டிய அவசியம் கிடையாது.
Part-Time வேலை செய்யும் மாணவர் 14 வயதிற்கு மேற்பட்டவராக இருக்க வேண்டும். - பள்ளி படிப்பவர்கள் 16 மணி நேரம் வரை Part-Time வேலை செய்ய அனுமதி கிடையாது.
கல்வி நிறுவனத்தால் நடத்தப்படும் தொழில் சார்ந்த நிறுவனங்களில் மட்டுமே அந்த மாணவர் Part-Time வேலை செய்ய முடியும். அதாவது தங்களின் படிப்பு செலவு போன்ற விஷயங்களுக்காக Part-Time வேலை செய்வதற்கு அனுமதி உண்டு.
Long-Term Visit Pass (LTVP):
சிங்கப்பூர் குடிமக்கள் அல்லது Permanent Residents-இன் உறவினர்களுக்கு வழங்கப்படும் பாஸ். LTVP உள்ளவர்கள் பார்ட்-டைம் வேலை செய்ய விரும்பினால், Letter of Consent (LOC) பெற வேண்டும். இல்லையெனில், வேலை செய்ய அனுமதி இல்லை.
முதலாளி மற்றும் MOM அனுமதி: பெரும்பாலான சந்தர்ப்பங்களில், பாஸ் விதிகளை மீறி வேலை செய்வது சட்டவிரோதமாகக் கருதப்படும் மற்றும் பாஸ் ரத்து செய்யப்படலாம் அல்லது நாட்டை விட்டு வெளியேற்றப்படலாம்.
மாணவர்களுக்கு சலுகை: Student Pass உள்ளவர்களுக்கு மட்டுமே பார்ட்-டைம் வேலைக்கு நேரடியாக சலுகை உள்ளது, ஆனால் அது கட்டுப்பாடுகளுடன் வருகிறது.
சிங்கப்பூரில் பார்ட்-டைம் வேலை செய்ய முடியும் என்றால், Student Pass (16 மணி நேரம் வரை) அல்லது Dependant’s Pass / Long-Term Visit Pass (LOC உடன்) மூலமாக மட்டுமே சாத்தியம். Work Permit, S Pass, மற்றும் Employment Pass ஆகியவை பார்ட்-டைம் வேலைக்கு அனுமதிக்காதவை. உங்கள் சூழ்நிலைக்கு ஏற்ப MOM-இன் அதிகாரப்பூர்வ இணையதளத்தில் (www.mom.gov.sg) சரிபார்த்து உறுதி செய்யுங்கள்.
.
