சிங்கப்பூரின் வடக்குப் பகுதியான வூட்லேண்ட்ஸ் தெரு 11 மற்றும் தெரு 32 ஆகிய இடங்களில் கடந்த ஜூன் 19, 2025 அன்று இரண்டு உள்ளூர் ஜிகா வைரஸ் தொற்றுகள் கண்டறியப்பட்டுள்ளன.
இந்தத் தகவலை தேசிய சுற்றுச்சூழல் முகமையும் (NEA) தொற்று நோய்கள் முகமையும் (CDA) இணைந்து வெளியிட்டன.
இந்தச் சம்பவம், சிங்கப்பூரில் ஏடிஸ் கொசுக்கள் மூலம் பரவும் ஜிகா வைரஸ் குறித்து மீண்டும் ஒருமுறை விழிப்புணர்வை ஏற்படுத்தியுள்ளது. ஜிகா வைரஸ் கர்ப்பிணிப் பெண்களுக்கு மிகவும் ஆபத்தானது என்பதால், அவர்களுக்குச் சிறப்பு எச்சரிக்கை விடுக்கப்பட்டுள்ளது.
-
காய்ச்சல்
-
தோலில் சிவப்பு தடிப்புகள் (rash)
-
தலைவலி
-
மூட்டு மற்றும் தசை வலி
-
கண்கள் சிவத்தல் (conjunctivitis)
NEA-வின் இணையதளப்படி, ஜூன் 18 வரை சிங்கப்பூரில் ஜிகா கிளஸ்டர்கள் (clusters) இல்லை, ஆனால் ஜூன் 12 வரை ஏழு ஆய்வக உறுதிப்படுத்தப்பட்ட ஜிகா நோயாளிகள் இருந்தனர். 2024-ல் மொத்தம் 13 ஜிகா நோயாளிகள் பதிவாகினர். வூட்லேண்ட்ஸில் இந்த இரண்டு புதிய நோயாளிகள், உள்ளூர் பரவல் (local transmission) இருப்பதை உறுதிப்படுத்துகின்றன. இந்தப் பகுதியில் ஏடிஸ் கொசுக்கள் அதிகமாக இருப்பதால், NEA உடனடியாக கழிவு நீர் மற்றும் கொசு கண்காணிப்பை தொடங்கியது.
“கொசு இனப்பெருக்கத்தைத் தடுக்கணும், இல்லனா இந்த வைரஸ் இன்னும் பரவும்,” என்று NEA-வின் அதிகாரி ஒருவர் தெரிவித்தார். கர்ப்பிணிப் பெண்களுக்கு குறிப்பாக எச்சரிக்கை விடுக்கப்பட்டு, கொசு கடியைத் தவிர்க்கவும், உடல்நிலையை உன்னிப்பாக கவனிக்கவும் அறிவுறுத்தப்பட்டுள்ளது.
சிங்கப்பூரில் ஜிகாவின் வரலாறு:
சிங்கப்பூரில் ஜிகா வைரஸ் முதன்முதலில் 2016 மே மாதம் ஒரு பயணியிடம் (imported case) கண்டறியப்பட்டது. ஆகஸ்ட் 2016-ல் அல்ஜூனியட் பகுதியில் முதல் உள்ளூர் கிளஸ்டர் உறுதியானது, மொத்தம் 298 நோயாளிகளுடன். இந்த பரவல் நான்கு வாரங்களில் கட்டுப்படுத்தப்பட்டது.
2019-ல் செராங்கூன் கார்டன்ஸில் மூன்று உள்ளூர் நோயாளிகள் உறுதியாகினர், 2023-ல் கோவன் பகுதியில் 14 நோயாளிகள் கண்டறியப்பட்டனர். 2024-ல் 13 நோயாளிகளும், 2025-ல் இதுவரை ஏழு நோயாளிகளும் பதிவாகியுள்ளனர்.
சிங்கப்பூரின் ஈரப்பதமான வானிலை மற்றும் நகர்ப்புறத்தில் ஏடிஸ் கொசுக்கள் பெருகுவது ஜிகா பரவலுக்கு ஒரு காரணம். ஆனால், NEA-வின் தீவிரமான கொசு கட்டுப்பாட்டு நடவடிக்கைகள், ஜிகாவை ஒப்பீட்டளவில் கட்டுக்குள் வைத்திருக்கின்றன. தற்போது, சிங்கப்பூர் முழுவதும் 72,000 கிராவிட்ராப்கள் (gravitraps) பயன்படுத்தப்படுகின்றன, இவை ஏடிஸ் கொசுக்களைப் பிடிக்க உதவுகின்றன.
வூட்லேண்ட்ஸில் ஜிகா நோயாளிகள் உறுதியானவுடன், NEA மற்றும் CDA உடனடியாக பல நடவடிக்கைகளைத் தொடங்கின. இவை:
கண்காணிப்பு: கழிவு நீர் மற்றும் கொசு மாதிரிகளில் ஜிகா வைரஸ் இருப்பதை உறுதி செய்ய மேம்பட்ட கண்காணிப்பு நடத்தப்பட்டது. இது, வைரஸ் பரவல் உள்ள இடங்களை அடையாளம் காண உதவுகிறது.
கொசு கட்டுப்பாடு: வூட்லேண்ட்ஸ் பகுதியில் பூச்சிக்கொல்லி தெளித்தல், லார்வாக்களை அழிக்கும் நடவடிக்கைகள், மற்றும் தேங்கிய நீரை அகற்றுதல் ஆகியவை தீவிரப்படுத்தப்பட்டன. NEA-வின் “S-A-W” (Spray, Apply, Wear) மற்றும் “B-L-O-C-K” (Break, Lift, Overturn, Cover, Keep) நடவடிக்கைகள் பொதுமக்களுக்கு பரிந்துரைக்கப்பட்டன.
விழிப்புணர்வு: NEA அதிகாரிகள் மற்றும் சமூகத் தலைவர்கள் வூட்லேண்ட்ஸில் வீடு வீடாகச் சென்று ஜிகா குறித்த துண்டு பிரசுரங்களை விநியோகித்து, கொசு தடுப்பு மருந்து பயன்படுத்த அறிவுறுத்தினர்.
கர்ப்பிணிப் பெண்களுக்கு ஆலோசனை: கர்ப்பிணிப் பெண்கள் கொசு கடியைத் தவிர்க்கவும், காய்ச்சல், தடிப்பு, அல்லது கண் சிவத்தல் போன்ற அறிகுறிகள் தோன்றினால் உடனடியாக மருத்துவரை அணுகவும் அறிவுறுத்தப்பட்டனர். RT-PCR சோதனை மூலம் ஜிகா தொற்று உறுதி செய்யப்படலாம்.
சாங்கி விமான நிலையத்தில் திருட்டு – இரு இந்திய பெண்களுக்கு விதிக்கப்பட்ட தண்டனை!
