சீனப் புத்தாண்டு (Chinese New Year) சிங்கப்பூரில் மிகவும் விமரிசையாகக் கொண்டாடப்படும் ஒரு முக்கியமான விழாவாகும். சிங்கப்பூரில், சீன வம்சாவளியைச் சேர்ந்த மக்கள் பெரும்பான்மையானவர்கள் என்பதால், இந்தப் பண்டிகை நாடு முழுவதும் உற்சாகமாகக் கொண்டாடப்படுகிறது.
சீன புத்தாண்டு என்பது சீன கலாச்சாரத்தில் மிகவும் முக்கியமான விழாவாகும். இது சந்திர நாட்காட்டி அடிப்படையில் கடைபிடிக்கப்படும்தால், ஒவ்வொரு ஆண்டும் வெவ்வேறு தேதிகளில் வரும். பொதுவாக, இது ஜனவரி மாத இறுதி அல்லது பிப்ரவரி மாத தொடக்கத்தில் கொண்டாடப்படும்.
சிங்கப்பூரின் சீனத்தெரு (Chinatown) பண்டிகை காலத்தில் மிகவும் பிரபலமான இடமாகும். வண்ணமயமான விளக்குகள், அலங்காரங்கள், மற்றும் பாரம்பரிய சீன கலைப்பொருட்கள் இங்கு காட்சி அளிக்கும்.
சீனப் புத்தாண்டு 12 விலங்குகளின் சுழற்சியை அடிப்படையாகக் கொண்டது. ஒவ்வொரு ஆண்டும் ஒரு குறிப்பிட்ட விலங்கின் பெயரால் அழைக்கப்படும். 2025 ஆம் ஆண்டு சீன நாட்காட்டியின்படி மரப் பாம்பின் ஆண்டு ஆகும். இந்த ஆண்டு பிறந்தவர்கள் பொதுவாக நுட்பமானவர்கள், புத்திசாலிகள் மற்றும் நல்ல அறிவுத்திறன் கொண்டவர்களாக இருப்பார்கள் என்று நம்பப்படுகிறது. இந்த ஆண்டு ஜனவரி 29 2025 அன்று தொடங்கி, 16 பிப்ரவரி 2026 அன்று முடிவடையும்.
சீனப் புத்தாண்டு, சந்திர புத்தாண்டு அல்லது வசந்த விழாக்கள் என்றும் அழைக்கப்படுகிறது, இது ஒரு புதிய ராசி சுழற்சியின் தொடக்கத்தைக் குறிக்கிறது. இவ்விழா சீன மக்களால் பல நாட்கள் கொண்டாடப்படுகிறது. அணிவகுப்புகள், குடும்ப ஒன்றுகூடல்கள் மற்றும் பிற கலாச்சார மரபுகளில் பங்கேற்பதன் மூலம் மக்கள் திருவிழாவைக் கொண்டாடுகிறார்கள். 2024 டிராகனின் ஆண்டாகவும், 2025 பாம்பு ஆண்டாகவும் இருக்கும்.
ஒவ்வொரு சந்திர Lunar புத்தாண்டு விலங்குகளின் பண்புகள் என்ன?
Rat ( 1984, 1996, 2008 மற்றும் 2020):
எலி வருடத்தில் பிறந்தவர்கள் உத்வேகம் உணர்திறன் மற்றும் படைப்பாற்றல் கொண்டவர்கள். எலிகள் மற்றவர்களின் பாராட்டுகளைத் தேடாமல் சேகரிப்பதிலும் சேமிப்பதிலும் சிறந்தவை. அதை போன்ற குணம் படைத்தவர்கள். எவ்வாறாயினும், அவர்கள் சூழ்நிலைகள் மற்றும் அவர்களைச் சுற்றியுள்ளவர்களை எளிதாக நன்கு கணிக்கக் கூடியவர்களாக அறியப்படுகிறார்கள்.
Ox (1985, 1997, 2009, 2021):
எருது வருடங்களில் பிறந்தவர்கள் பொதுவாக பொறுமையானவர்கள், மற்றவருக்கு நல்ல நண்பர்கள் மற்றும் கடின உழைப்பாளிகள். ஆனால் அவர்கள் பிடிவாதமாகவும் எளிதில் வளைந்துகொடுக்காதவர்களாகவும் இருப்பார்கள்.
Tiger (1986, 1998, 2010, 2022):
புலி ஆண்டு உங்கள் பிறந்த வருடமா? இவர்கள் பெரும்பாலும் எளிதில் உணர்ச்சிவயப்படுபவர்கள் மற்றும் அவர்களின் தனிப்பட்ட விருப்பங்களில் மிகவும் ஆர்வம் காட்டுபவர்கள். துரதிர்ஷ்டவசமாக, அவர்கள் சில சமயங்களில் கலகக்காரர்களாகக் காணப்படுவார்கள் என்பதே இதன் பொருள்.அவர்கள் சிலசமயம் பொறுப்பற்றவர்களாகவும் இருக்கலாம், ஆனால் எப்போதும் ஒரு தடைக்குப் பிறகு எழுந்து வெற்றி பெறுவார்கள்.
Rabbit (1987, 1999, 2011, 2023):
இவர்கள் கனிவான இதயம், கண்ணியம், மற்றும் அதிக பொறுப்புணர்வு கொண்டவர்கள். எந்த ஒரு வேலையையும் முக்கியமாக கருதுபவர்கள். அவர்கள் சுய ஒழுக்கம் உடையவர்கள். உறுதியானவர்கள். சீன புராணத்தின் படி, சந்திரன் தெய்வமான சாங்கே தனது செல்லப் பிராணியாக ஒரு முயலைக் கொண்டுள்ளது.
Dragon (1988, 2000, 2012, 2024):
சீன கலாச்சாரத்தில் ஒரு புராண உயிரினமான டிராகன், மிகவும் அதிர்ஷ்டசாலி மற்றும் சக்திவாய்ந்த சீன ராசி விலங்காக பார்க்கப்படுகிறது. இவர்கள் லட்சிய கனவு காண்பவர்கள் மற்றும் தங்கள் வாழ்நாள் முழுவதும் சாகசத்தை நாடுகின்றனர். இருப்பினும், இவர்கள் எளிதில் கோபப்படுபவர்கள்.
Snake (1989, 2001, 2013, 2025):
சீன கலாச்சாரத்தில், பாம்புகள் சிறிய டிராகன்களாகக் கருதப்படுகின்றன. எனவே இவர்களும் டிராகன் குணத்தை கொண்டுள்ளனர் மேலும் இவர்கள் இலட்சியவாதிகள் மற்றும் இதயத்தில் எப்போதும் ஆர்வமிக்கவர்கள். இவர்கள் மிகவும் உறுதியானவர்கள் மற்றும் எல்லாவற்றையும் சரியாக புரிந்து கொள்ள முற்படுகிறார்கள்.
Horse (1990, 2002, 2014, 2026):
குதிரை வருடத்தில் பிறந்தவர்கள் ஆற்றல் மிக்கவர்கள் மற்றும் சுதந்திரமாக இருக்க விரும்புவார்கள். அவர்களைச் சுற்றி இயல்பான நட்பு வட்டம் உருவாக்குவார்கள். ஆனால் சில சமயங்களில் இவர்களால் ரகசியங்களை காப்பாற்ற இயலாது. இவர்கள் ஒருபோதும் சரணடைய மாட்டார்கள் மற்றும் எப்போதும் தங்களை வெளிப்படுத்தவே விரும்புவார்கள்.
Goat (1991, 2003, 2015, 2027):
ஆட்டைப் போலவே, இந்த மக்கள் மென்மையான மற்றும் அழகானவர்கள். மற்றவர்கள் கூறுவது பிடிக்காது இருப்பினும் தங்கள் கருத்தை வெளிப்படுத்த தயங்குவார்கள்.மேலும் பொறுமையாகவும் அன்பாகவும் இருப்பார்கள், மற்றவர்களின் உணர்வுகளை மதிப்பார்கள்.
Monkey (1992, 2004, 2016, 2028):
இவர்களுக்கு ஒரு வேலை பிடிக்காவிடில் அதனை முடிக்க சோம்பல் கொள்வார்கள். அதுவே பிடித்த வேலையெனில் மற்றவர்கள் ஆச்சர்யப்படும் விதத்தில் விரைவில் முடிப்பார்கள். மிகவும் புத்திசாலிகளாகக் காணப்படுவார்கள். இவர்கள் வாழ்க்கையில் ஆர்வம் கொண்டவர்கள், மற்றவர்கள் மீது அக்கறை கொண்டவர்கள், முடிவில்லாத ஆர்வம் கொண்டவர்கள்.
Rooster (1981, 1993, 2005, 2017, 2029):
இவர்கள் சிறந்த திட்டமிடுபவர்கள் மற்றும் எதிர்காலத்தைப் பற்றி எப்போதும் துல்லியமாக சிந்திப்பவர்கள். மற்றவர்கள் நினைப்பதை எளிதில் கண்டுபிடிப்பவர்களாக இருப்பார்கள். இது அவர்களை சிறந்த நண்பர்களாகவும் தந்திரமான எதிரிகளாகவும் ஆக்குகிறது. சிறந்த படைப்பாளிகள் ஆவர்.
Dog (1982, 1994, 2006, 2018, 2030):
இவர்கள் விசுவாசமானவர்கள் மற்றும் வலுவான நீதி உணர்வைக் கொண்டவர்கள். மேலும் கடினமாக உழைக்க கூடியவர்கள் மற்றும் அதனால் மதிக்கப்படுவார்கள். இவர்கள் எச்சரிக்கையாக இருப்பதால் இவர்களின் நம்பிக்கையை பெற்று நல்ல நண்பர்களாக மாற சிறிது நேரம் ஆகலாம். இருப்பினும், இவர்கள் உறவுகளில் மகிழ்ச்சியை உணர்ந்தவுடன், அவர்களிடம் நேர்மையாகவும், உண்மையாகவும் இருப்பார்கள்.
Pig (1995, 2007, 2019, 2031)
இவர்கள் நன்கு சிந்திக்க கூடியவர்கள் மற்றும் பிரச்சனைகளுக்கு தீர்வு அளிப்பவர்கள். எளிதில் கோபப்படுபவர்கள். ஆனால் அன்பானவர்கள். மற்றவர்களுடன் நன்கு பழகுவதால் சிறந்த நண்பர்களாக இருப்பார்கள்.
சிங்கப்பூரில் சீனப் புத்தாண்டு ஒரு மிகவும் முக்கியமான கலாச்சார விழாவாகும். இது மக்களை ஒன்று திரட்டி, பாரம்பரியம் மற்றும் கலாச்சாரத்தை கொண்டாடுவதற்கான ஒரு வாய்ப்பாக அமைகிறது.
சிங்கப்பூரில் சீனப் புத்தாண்டு கொண்டாட்டங்களில்….. கவனிக்க வேண்டிய முன்னெச்சரிக்கை நடவடிக்கைகள்…
