13வது முறையாக உலகின் சிறந்த விமான நிலையம் – சாங்கி விமான நிலையம்!

சிங்கப்பூர்:  சிங்கப்பூரின் சாங்கி விமான நிலையம் (Changi Airport) 2025ஆம் ஆண்டிற்கான உலகின் தலைசிறந்த விமான நிலையமாக அறிவிக்கப்பட்டுள்ளது. லண்டனைச் சேர்ந்த ஸ்கைட்ரேக்ஸ் ஆலோசனை நிறுவனம் வெளியிட்டுள்ள தரவரிசைப் பட்டியலில், கடந்த ஆண்டு முதலிடம் வகித்த தோஹாவின் ஹமாத் அனைத்துலக விமான நிலையத்தை இரண்டாம் இடத்திற்குத் தள்ளி சாங்கி முதலிடம் பிடித்துள்ளது.

ஸ்பெயினின் மட்ரிட் நகரில் புதன்கிழமை (ஏப்ரல் 9) நடைபெற்ற 2025 உலக விமான நிலைய விருதுகள் விழாவில் இந்த அறிவிப்பு வெளியிடப்பட்டது. சாங்கி விமான நிலையம் உலகின் தலைசிறந்த விமான நிலைய விருதோடு மட்டுமல்லாமல், உலகின் தலைசிறந்த விமான நிலைய உணவு, உலகின் தலைசிறந்த விமான நிலையக் கழிவறை மற்றும் ஆசியாவின் தலைசிறந்த விமான நிலையம் ஆகிய பிரிவுகளிலும் விருதுகளை வென்றுள்ளது.

தரவரிசைப் பட்டியலில் தோஹாவின் ஹமாத் விமான நிலையம் இரண்டாம் இடத்திலும், ஜப்பானின் தோக்கியோ ஹனேடா விமான நிலையம் மூன்றாம் இடத்திலும், தென்கொரியாவின் இஞ்சியோன் அனைத்துலக விமான நிலையம் நான்காம் இடத்திலும், ஜப்பானின் நாரிட்டா அனைத்துலக விமான நிலையம் ஐந்தாம் இடத்திலும் உள்ளன.

ஸ்கைட்ரேக்ஸ் நிறுவனம் ஆகஸ்ட் 2024 முதல் பிப்ரவரி 2025 வரை நூற்றுக்கும் மேற்பட்ட நாடுகளைச் சேர்ந்த விமான நிலைய வாடிக்கையாளர்களிடம் உலகளாவிய ஆய்வு நடத்தியது. விமான நிலையத்திற்குள் நுழைவது, வெளியேறுவது, விமான மாற்றம், பொருட்கள் வாங்குவது உள்ளிட்ட பல்வேறு அம்சங்களின் அடிப்படையில் பயணிகள் தங்கள் அனுபவங்களைத் தெரிவித்தனர்.

Class 3 Driving License வைத்துள்ளவர்களுக்கு சாங்கி விமான நிலையத்தில் வேலை வாய்ப்பு….. விண்ணப்பிப்பது எப்படி? முழு விளக்கம்

இந்த ஆய்வு முடிவுகளின்படி, சாங்கி விமான நிலையம் 13ஆவது முறையாக உலகின் தலைசிறந்த விமான நிலையத்திற்கான விருதைப் பெற்றுள்ளதாக ஸ்கைட்ரேக்ஸ் நிறுவனத்தின் தலைமை நிர்வாகி எட்வர்ட் பிளெய்ஸ்டெட் தெரிவித்தார். இதன் மூலம் சாங்கி விமான நிலையம் இதுவரை மொத்தம் 697 விருதுகளைப் பெற்று அதிக விருதுகளை வென்ற விமான நிலையமாகத் திகழ்கிறது என்று சாங்கி விமான நிலையக் குழுமம் தெரிவித்துள்ளது.

கடந்த ஆண்டு உலகின் தலைசிறந்த விமான நிலைய விருதை வென்ற ஹமாத் அனைத்துலக விமான நிலையத்தைத் பின்னுக்குத் தள்ளி சாங்கி மீண்டும் இந்த பெருமையைப் பெற்றுள்ளது குறிப்பிடத்தக்கது. மேலும், சிறந்த கழிவறைகள் மற்றும் உணவுத் தேர்வுகளுக்கான பட்டியலிலும் சாங்கி விமான நிலையம் முதலிடம் பிடித்துள்ளது. சென்ற ஆண்டு சாங்கி விமான நிலையம் 67.7 மில்லியன் பயணிகளைக் கையாண்டது, இது 2023ஆம் ஆண்டை விட சுமார் 15 விழுக்காடு அதிகமாகும்.

சிங்கப்பூர் தொடர்பான செய்திகளை முழுமையான தகவலோடு பெற இந்த லிங்கை கிளிக் செய்து தமிழ் சாகா-வின் வெப்சைட்டை ஃபாலோ பண்ணுங்க!

சிங்கப்பூருக்கு பெருமை சேர்க்கும் இந்த சாதனையை சாங்கி விமான நிலையம் தொடர்ந்து நிலைநாட்டும் என்று எதிர்பார்க்கப்படுகிறது.