சிங்கப்பூர் Rediscover Voucherகளைப் (SRV) பயன்படுத்துவதற்கான காலக்கெடு மார்ச் 31, 2022 வரை நீட்டிக்கப்பட்டுள்ளது, ஆனால் இதற்கான முன்பதிவுகள் அடுத்த மாதம் டிசம்பர் 31க்குள் செய்யப்பட வேண்டும் என்று STB (Singapore Tourism Board) தெரிவித்துள்ளது. நேற்று திங்களன்று (நவம்பர் 22) இதை அறிவித்த சிங்கப்பூர் சுற்றுலா வாரியம் (STB) பின்வருமாறு கூறியது: “சில சிங்கப்பூரர்கள் குழு அளவுகள் மற்றும் சுற்றுலா நிறுவனங்களில் வரம்புகள் குறைவதால் தங்கள் SRVகளைப் பயன்படுத்த முடியவில்லை என்பதை நாங்கள் புரிந்துகொள்கிறோம்.
இதையும் படியுங்கள் : சிங்கப்பூரில் 1,60,000 பேருக்கு 100 வெள்ளி மதிப்பிலான Vouchers
எனவே “இந்த நீட்டிப்பு சிங்கப்பூரர்கள் தங்கள் SRVகளை அனுபவிக்க அதிக நேரத்தை அனுமதிக்கிறது.” இதற்கு முன்பு இந்த காலக்கெடு இவ்வாண்டு டிசம்பர் 31ம் தேதி வரை அறிவிக்கப்பட்டது குறிப்பிடத்தக்கது. பெருந்தொற்றுக்கு மத்தியில் சுற்றுலாத் துறையை மேம்படுத்துவதற்காக தொடங்கப்பட்ட வவுச்சர் திட்டம், முதலில் ஜூன் மாத இறுதியில் காலாவதியாகும் என்று அறிவிக்கப்பட்டது குறிப்பிடத்தக்கது.
18 வயது மற்றும் அதற்கு மேற்பட்ட ஒவ்வொரு சிங்கப்பூரர்களும் 100 மதிப்புள்ள சுற்றுலா வவுச்சர்களைப் பெற்றுள்ளனர், அவை தங்குமிடங்கள், பொழுதுபோக்கு டிக்கெட்டுகள் மற்றும் சுற்றுப்பயணங்களில் பயன்படுத்தப்படலாம் என்பது குறிப்பிடத்தக்கது. “சிங்கப்பூர்வாசிகள் தங்கள் வவுச்சர்களை பயன்படுத்த முன்கூட்டியே திட்டமிடவும், குறிப்பாக டிசம்பர் மற்றும் மார்ச் மாதங்களில் வரவிருக்கும் பண்டிகைக் காலங்கள் மற்றும் பள்ளி விடுமுறை நாட்களில் பதிவு செய்யவும் நாங்கள் வலுவாக ஊக்குவிக்கிறோம்” என்று STB கூறியது.
ஜனவரி 1, 2022 முதல், அங்கீகரிக்கப்பட்ட முன்பதிவு கூட்டாளர்கள் வவுச்சர்களைப் பயன்படுத்தி செய்யப்படும் சுற்றுலா முன்பதிவுகளை ஏற்க மாட்டார்கள், அனைத்து கவுண்டர்களும் மூடப்படும் என்று STB தெரிவித்துள்ளது. வரும் திங்கள் முதல் Changi Recommends, Global Tix, Klook, Traveloka மற்றும் Trip.com உள்ளிட்ட நிறுவனங்களில் புக்கிங் செய்யலாம்.