சிங்கப்பூரில் Chong Pong பகுதியில் இந்த வார துவக்கத்தில் முதியவர் ஒருவரின் வீடியோ பேஸ்புக்கில் பரவியது. அவர் அந்த பகுதியில் ஒரு மரப் பலகையுடன் காணப்பட்டார், அந்த பலகையின் கீழே சக்கரங்கள் இணைக்கப்பட்டிருந்தன. அந்த முதியவர் அப்பகுதி முழுவதும் சுற்றி வர அந்த சக்கரங்கள் பொருத்தப்பட்ட பலகையை பயன்படுத்தியுள்ளார். ஜனவரி 13 அன்று வெளியிடப்பட்ட அந்த வீடியோவில், அந்த முதியவர் ஒரு பாதசாரிகள் நடக்கும் பகுதியில் தனியாக அமர்ந்திருப்பதைக் காணமுடிந்தது. அதை தொடர்ந்து அவர் ஒரு டாக்ஸியில் ஏற முயற்சிக்கும் காட்சியும் அந்த வீடியோவில் இடம்பெற்றது.
தரையில் கைகளை வைத்து மட்டுமே அவரால் அந்த பலகை மூலம் நகரமுடியும் என்பதால் அவர் அந்த டாக்ஸியில் ஏற முயற்சித்தபோது சிலரின் கவனம் அவர்மீது திரும்பியது. உடனடியாக சில நொடிகளில், இரண்டு மனிதர்கள் அந்த முதியவரை தரையில் இருந்து தூக்கி, டாக்சியின் பின் இருக்கையில் அவரது உடைமைகளை வைக்க முன்வந்தனர். அந்த டாக்ஸி டிரைவரும் முதியவருக்கு கை கொடுக்க, வாகனத்தை விட்டு இறங்கி வந்தார். இறுதியில் பத்திரமாக அந்த முதியவரை காரில் ஏற்றிக்கொண்டு அந்த இடத்தில் இருந்து டாக்ஸி புறப்பட்டது.
மேலும் அந்த வீடியோவில் “அவருக்கு உதவிய வழிப்போக்கர்களுக்கும், அவரை அழைத்துச் சென்ற டாக்ஸி ஓட்டுநருக்கும் மிக்க நன்றி”. “தயவுசெய்து இதைப் அதிகம் பகிரவும், அந்த முதியவரை அடையாளம் காணும் யாராவது அவருக்குத் தேவையான உதவியைப் செய்வார்கள் என்று நம்புகிறோம் என்று குறிப்பிடப்பட்டிருந்தது. இந்நிலையில் இந்த நிகழ்வு குறித்து இன்று ஜனவரி 14 அன்று தனது முகநூலில் பதிவிட்டுள்ள சிங்கப்பூரின் உள்துறை மற்றும் சட்ட அமைச்சர் திரு. சண்முகம் “சோங் பாங்கில் உள்ள ஒரு முதியவர் தொடர்பான வீடியோ எனக்கு அனுப்பப்பட்டது. அவர் நடப்பதற்கு சிரமங்களைக் கொண்டிருப்பதாகவும், சக்கரங்கள் கொண்ட சிறிய மரப் பலகையைப் பயன்படுத்தி தான் நகர்வதாகவும் எனக்கு தெரியவந்தது”.
“இந்நிலையில் தான் அவருடைய பக்கத்து வீட்டுக்காரர் வீட்டைச் சுற்றிச் செல்வதற்காக மரப்பலகை ஒன்றை சக்கரம் வைத்து அளித்துள்ளார், அதையே அவர் வெளியிலும் பயன்படுத்த முடிவு செய்துள்ளார் என்று அவர் கூறினார். இந்த நிகழ்வில் Feedback அளித்த அனைவருக்கும் நன்றி; திரு. லீ மற்றும் அவரது குடும்பத்தினருக்கு நாங்கள் தொடர்ந்து உதவி மற்றும் உதவிகளை வழங்குவோம் என்றார் அவர்.
