TamilSaaga

சிங்கப்பூரில் மினிமம் $5000 டாலர்கள் கொடுக்கும் பாஸ்.. 3 வாரங்களில் முடியும் “பிராசஸ்” – தேவையான ஆவணங்கள் என்னென்ன? Apply செய்வது எப்படி?

SINGAPORE: நீங்கள் சிங்கப்பூரில் அதிகம் சம்பாதிக்க வேண்டுமெனில், அதற்குள்ள ஒரே ஆப்ஷன் E-pass. இந்த பாஸ் எப்படி வாங்க வேண்டும்? என்னென்ன ஆவணங்கள் தேவை? எப்படி விண்ணப்பிக்க வேண்டும் போன்ற அனைத்து தகவல்களையும் இங்கே தெரிந்து கொள்ளுங்கள்.

EP pass என்றால் என்ன?

Employment Pass என்பது சிங்கப்பூரின் மனிதவளத் துறை அமைச்சகத்தால் வெளிநாட்டு ஊழியர்கள், மேலாளர்கள் மற்றும் சிங்கப்பூரில் செயல்பட்டு வரும் நிறுவனங்களின் உரிமையாளர்கள் அல்லது இயக்குநர்களுக்கு வழங்கப்படும் விசா ஆகும். இது சிங்கப்பூரில் வசிக்கவும் வேலை செய்யவும் உங்களை அனுமதிக்கிறது. அதுமட்டுமின்றி, இந்த விசா மூலம் EntryPass இல்லாமல் நாட்டிற்கு உள்ளேயும் வெளியேயும் பயணம் செய்ய முடியும்.

பொதுவாக இந்த பாஸ் 1 முதல் 2 ஆண்டுகள் வரை தான் செல்லுபடியாகும். அதன் பிறகு புதுப்பித்துக் கொள்ளலாம். மிக முக்கியமாக, E Passல் சிங்கப்பூர் வந்திருப்பவர்கள் PR-க்கு விண்ணப்பிப்பது மற்றவர்களைக் காட்டிலும் சுலபமானது.

முதலில் EPass-க்கு அப்ளை செய்ய விரும்பும் ஊழியர், பாஸ்போர்ட்டின் பெர்சனல் விவரம் அடங்கிய பக்கத்தை ஜெராக்ஸ் எடுத்துக் கொள்ளவும். உங்கள் பாஸ்போர்ட்டில் பெயரில் ஏதும் மாற்றம் செய்யப்பட்டிருந்தால், ஒரு விளக்கக் கடிதம் மற்றும் அதற்குரிய ஆவணங்களை கையில் வைத்திருக்க வேண்டும்.

பிறகு, உங்கள் கல்விச் சான்றிதழ்கள் வைத்திருக்க வேண்டும். நீங்கள் படித்த கல்லூரிகளை குறிப்பிடும் அனைத்து செமஸ்டர்களுக்கான ஆவணங்களும் இருக்க வேண்டும். இந்த டாக்குமெண்ட்ஸ் வைத்து Epass விண்ணப்பத்தை செக் செய்யும் போது மற்ற சில சர்ட்டிபிகேட்ஸும் குறிப்பிட்ட சிலருக்கு கேட்கப்படும்.

நோட்டரி பப்ளிக் மூலம் சான்றளிக்கப்பட்ட educational documents ஏற்றுக்கொள்ளப்படாது. மேலும், நீங்கள் குறிப்பிட்ட சில துறைகளில் வேலைக்கு சேரும் போது அந்த துறைக்குரிய நிறுவனத்திடம் இருந்து Documents வாங்க வேண்டும். பல் மருத்துவர் வேலைக்கு சிங்கப்பூர் பல் மருத்துவ கவுன்சிலில் இருந்து Document வாங்க வேண்டும். ரேடியோகிராஃபர் Allied Health Professions கவுன்சிலிடம் இருந்தும், Doctorகள் சிங்கப்பூர் மருத்துவ கவுன்சிலிடம் இருந்தும் Document வாங்கி இருக்க வேண்டும்.

Unit for Prehospital Emergency Care-டம் இருந்து அவசர மருத்துவ டெக்னிசீயன்கள் Document வாங்கி இருக்க வேண்டும். கால்பந்து வீரர் அல்லது பயிற்சியாளர் ஸ்போர்ட் சிங்கப்பூரிலும், வழக்கறிஞர் சட்ட சேவைகள் ஒழுங்குமுறை ஆணையத்திடம் இருந்தும், செவிலியர் சிங்கப்பூர் நர்சிங் வாரியத்திடம் இருந்தும், Occupational therapist, Physiotherapist, Radiation therapist, Speech therapist ஆகியோர் Allied Health Professions கவுன்சிலிடம் Document வாங்கி இருக்க வேண்டும்.

சிங்கப்பூர் உணவு நிறுவனம் (SFA) வழங்கிய உணவுக்கடை உரிமத்தின் நகலை அங்கு வேலை செய்ய EPass அப்ளே செய்ய சமர்பிக்க வேண்டும். நீங்கள் வேலை செய்வது புதிய நிறுவனமாக இருந்தால், இன்னும் உரிமம் இல்லை என்றால், SFAஆல் உங்களுக்கு வழங்கப்பட்ட “ஃபுட்ஷாப் உரிமத்திற்கான அப்ளிகேஷன்” கடிதத்தின் நகலை நீங்கள் சமர்ப்பிக்கலாம். இதன்மூலம் நீங்கள் EPassக்கு விண்ணப்பித்தால் கண்டிப்பாக கிடைக்கும்.

சிங்கப்பூரின் அனைத்து முக்கியமான செய்திகளையும் தமிழில் தெரிந்து கொள்ள “Tamil Saaga Singapore” facebook பக்கத்தை follow பண்ணுங்க

Related posts