நமது சிங்கப்பூரில் அண்மைக்காலமாக அதிகரித்து வரும் பெருந்தொற்று வழக்குகளின் அளவை அரசாங்கம் உன்னிப்பாகக் கண்காணித்து வரும் இந்த நிலையில், தங்குமிடங்களில் வசிக்கும் புலம்பெயர்ந்த தொழிலாளர்கள் தொடர்ந்து நமது சமூகத்தில் தடையின்றி வலம்வர முடியும் என்று மனிதவள அமைச்சர் டான் சீ லெங் நேற்று வியாழக்கிழமை (ஜூன் 30) வெளியிட்ட அறிக்கையில் தெரிவித்தார்.
ஞாயிற்றுக்கிழமைகள் மற்றும் பொது விடுமுறை நாட்களில் பிரபலமான இடங்களுக்கு செல்வதை கட்டுப்படுத்த The Popular Places Pass அவசியம் என்று அவர் மேலும் கூறினார். லிட்டில் இந்தியா, ஜூரோங் ஈஸ்ட், சைனாடவுன் அல்லது கெயிலாங் செராய் ஆகியவற்றைப் பார்வையிட, தங்குமிடங்களில் வசிக்கும் தொழிலாளர்கள் SGWorkPass மொபைல் செயலியில் அனுமதிச் சீட்டுக்கு விண்ணப்பிக்க வேண்டும்.
ஒவ்வொரு ஞாயிறு அல்லது பொது விடுமுறை நாட்களிலும் இதுபோன்ற 80,000 பாஸ்கள் வரை வழங்கப்படும் . இதற்கான ஒப்புதல் உடனடியாக வழங்கப்படும் என்பதும் குறிப்பிடத்தக்கது.
அவர் மேலும் கூறியதாவது “அவர்களை (புலம்பெயர் தொழிலாளர்கள்) சமூகத்தில் மீண்டும் ஒருங்கிணைக்க வேண்டும் என்று நாங்கள் விரும்புகிறோம், மேலும் அவர்கள் விரும்பும் போது பொதுஇடங்களுக்கு செல்ல முடியும்” என்றும் அவர் கூறினார்.
புலம்பெயர்ந்த தொழிலாளர் சமூகத்தின் பங்களிப்பைக் கொண்டாடும் கேலரியின் வெளியீட்டு விழாவில் ஊடகங்களிடம் பேசிய டாக்டர் டான், புலம்பெயர்ந்த தொழிலாளர்களின் முயற்சிகளை அங்கீகரிப்பதில் சிங்கப்பூரர்கள் ஒன்றிணைவார்கள் என்று நம்பிக்கை தெரிவித்தார்.
“எங்கள் புலம்பெயர்ந்த தொழிலாளர்கள் காட்சியகம், சிங்கப்பூருக்கு எங்கள் புலம்பெயர்ந்த தொழிலாளர்களின் பங்களிப்புகளுக்கான எங்கள் பாராட்டுக்களைக் குறிக்கிறது” என்றும் டாக்டர் டான் கூறினார்.
கெயிலாங் பாருவில் உள்ள அஷ்யூரன்ஸ், கேர் அண்ட் என்கேஜ்மென்ட் (ACE) குழுமத்தின் தலைமையகத்தில் அமைந்துள்ள இந்த கேலரி, புலம்பெயர்ந்த தொழிலாளர்களை பெருமைப்படுத்துவதற்காக மனிதவள அமைச்சகத்தால் தொடங்கப்பட்டது.
இந்த கேலரியில் 150 க்கும் மேற்பட்ட புகைப்படங்கள் நான்கு மண்டலங்களாக பிரிக்கப்பட்டுள்ளன. ஒவ்வொரு மண்டலமும் புலம்பெயர்ந்த தொழிலாளர் சமூகத்தின் வெவ்வேறு அம்சங்களை பற்றி பேசுகிறது.
