Kanguva Movie: திரையுலகின் மிக உயரிய விருதுகளில் ஒன்றான ஆஸ்கர் விருதுக்கு பரிந்துரைக்கப்பட்ட படங்களின் பட்டியல் வெளியாகியுள்ளது! ஒவ்வொரு ஆண்டும், திரைப்படத் துறையின் பல்வேறு பிரிவுகளில் சிறந்த படைப்புகளை கொண்டாடும் இந்த விழா, உலகெங்கிலும் உள்ள திரைப்பட ரசிகர்களின் கவனத்தை ஈர்க்கிறது. 97வது ஆஸ்கர் விருது விழா மார்ச் மாதம் நடைபெற உள்ளது. இப்போது விருதுக்கு உரிய படங்களை, கலைஞர்களை தேர்வு செய்யும் பணியில் தீவிரமாக இயங்கிவருகிறது ஆஸ்கர்ஸ்.
கடுமையான விமர்சனத்தையும், வசூலில் எதிர்பார்த்த அளவுக்கு வெற்றி பெறாத பின்னடைவையும் சந்தித்த சூர்யாவின் கங்குவா திரைப்படம், அனைவரையும் ஆச்சர்யத்தில் ஆழ்த்தி, ஆஸ்கர் விருது போட்டியில் இடம் பெற்றுள்ளது. மொத்தம் 207 படங்களை ஆஸ்கர் விருது போட்டிக்கு தேர்வு செய்யப்பட்டது. அதில் தமிழில் இருந்து நடிகர் சூர்யாவின் கங்குவா படம் இடம்பிடித்துள்ளது என்பது தமிழ்த் திரைத்துறைக்கும் சூர்யா ரசிகர்களுக்கும் பெருமையான செய்தியாக உள்ளது.
சூர்யாவின் படைப்பு ஆஸ்கர் விருது பயணத்தில் இணைந்திருப்பது, அவரது ரசிகர்களிடையே ஆவலையும் மகிழ்ச்சியையும் ஏற்படுத்தியுள்ளது. இது தமிழ் சினிமாவின் தரத்தை மேலும் உயர்த்தும் நிகழ்வாக பார்க்கப்படுகிறது. சூர்யா நாயகனாக நடித்த கங்குவா படம், நவம்பர் மாதம் உலகம் முழுவதும் 16 மொழிகளில் வெளியாகி, ரசிகர்கள் மத்தியில் பெரும் வரவேற்பை பெற்றது. 400 கோடி ரூபாய் பட்ஜெட்டில் உருவான இந்த பிரம்மாண்ட படத்தில், திஷா பதானி, பாபி சிம்ஹா, யோகிபாபு உள்ளிட்ட பலர் முக்கிய கதாபாத்திரங்களில் நடித்திருந்தனர். கடந்த இரண்டு ஆண்டுகளாக சமூக ஊடகங்களில் அதிகம் பேசப்பட்ட கங்குவா படம், திரையரங்குகளில் வெளியானவுடன் ரசிகர்களின் எதிர்பார்ப்பை பூர்த்தி செய்தது.
சூர்யாவின் கங்குவா திரைப்படம் வெளியான முதல் நாளிலேயே எதிர்மறை விமர்சனங்களை சந்தித்தது. கதை தொடர்ந்து என்ன நடக்கப்போகிறது என்பதை எளிதில் யூகிக்க முடியும் என்பதும், படத்தின் முழு நீளமும் சூர்யாவின் அதிரடியான கத்தல்களால் நிரம்பி இருப்பதாகவும் சமூக ஊடகங்களில் விமர்சனங்கள் எழுந்தன. இந்த நிலைமையால், திரையரங்க உரிமையாளர்கள் பெரும் நஷ்டத்தை சந்திக்க நேர்ந்தது. இதை சமாளிக்க, தயாரிப்பாளர் ஞானவேல் ராஜா, படத்தின் டிக்கெட் விலையை இரண்டு புள்ளிகள் குறைக்கும் நடவடிக்கையை அறிவித்தார். இது ரசிகர்களை திரையரங்கிற்கு மீண்டும் ஈர்க்கும் முயற்சியாக கருதப்படுகிறது. அடுத்தடுத்த நாட்களில் வசூல் எதிர்பார்த்த அளவிற்கு இல்லை.
சூர்யாவின் கங்குவா திரைப்படம் அவரது கரியரில் மிகுந்த எதிர்பார்ப்புகளுக்கு மத்தியில் வெளியாகியிருந்தாலும், எதிர்மறை விமர்சனங்களின் காரணமாக படம் பெரிய தோல்வியைச் சந்தித்தது. பலர் இந்த படத்தை சூர்யாவின் கரியரில் ஒரு மோசமான படமாக கருதினார்கள்.
ஆனாலும், கங்குவா படத்தில் சூர்யா தனது நடிப்பிற்கும் உடல் உழைப்பிற்கும் மிகுந்த நேரத்தையும் ஆற்றலையும் அர்ப்பணித்தார். படத்தின் கேமிரா வேலை, வி.எஃப்.எக்ஸ் தொழில்நுட்பம் ஆகியவை மிகவும் உயர்தரமாக இருந்ததாக பலரும் பாராட்டினார்கள். ஆனால், திரைக்கதையின் பலவீனங்களால், இயக்குநர் சிறுத்தை சிவா எதிர்பார்த்த மாபெரும் வெற்றியைப் பெற முடியாமல் போனார்.
இந்த தோல்வி சூர்யா ரசிகர்களை வெகுவாக கவலையடையச் செய்தது. ஆனால், அதே நேரத்தில், கங்குவா படக்குழு 2025ஆம் ஆண்டு நடைபெற இருக்கும் 97வது ஆஸ்கர் விருதுக்கான போட்டியில் கலந்துகொள்வதற்கு விண்ணப்பித்துள்ளது. இது சூர்யா ரசிகர்களுக்கு மறுபடியும் மகிழ்ச்சியை ஏற்படுத்தும் செய்தியாக உள்ளது.
கடும் விமர்சனங்களைச் சந்தித்த கங்குவா படம் தற்போது ஆஸ்கருக்கு பரிந்துரைக்க தகுதியான 207 படங்களில் ஒரு படமாகவும், ஆஸ்கருக்கு பரிந்துரைக்கத் தகுதியான ஒரே ஒரு தமிழ் படமாகவும் இடம்பெற்றுள்ளது. இதை சூர்யா ரசிகர்கள் மகிழ்ச்சியுடன் இணையத்தில் பகிர்ந்து வருகின்றனர்.
இந்த அறிவிப்பு திரைத்துறையிலும் ரசிகர்களிடையிலும் புதிய எதிர்பார்ப்பை உருவாக்கியுள்ளது. கங்குவா திரைப்படம் தன்னுடைய கதைக்களம் மற்றும் சுறுசுறுப்பான நடிப்பால் உலகளாவிய பாராட்டை பெற்றுள்ளது.
