காலை நேரம் பரபரப்பாக மக்கள் பணிகளுக்குச் செல்வர். எழுந்து குளித்து உணவு அருந்தி, பயணம் செய்து என வேலைக்கு செல்வதற்குள் பல செய்கைகள் அவசரத்தில் நடக்கும். காலை நேரம் எந்த விதமான டென்ஷனும் இல்லாமல் வேலைக்கு போக வேண்டும் என்பது தான் அனைவரது விருப்பமும். சிலருக்கு நாள் சிறப்பாக இருக்கும், சிலருக்கு வெறுப்பாக இருக்கும். நாள் முழுக்க எப்படி இருந்தாலும் அந்த காலை நேர செயல்பாடுகள் மிகவும் முக்கியம். காலை நேரம் சிறப்பாக இருந்தால் நாள் முழுக்க நன்றாக இருக்கும் என்ற நம்பிக்கை இன்றும் பலருக்கு உண்டு.
எனவே வேலைக்கு செல்லும்பொழுது உங்கள் காலை செயல்பாடுகளை சிறப்பாக அமைத்திட முயலுங்கள் அது உங்கள் நாளை நன்மையாக மாற்றும். சரி அதெப்படி அமைத்துக் கொள்வது? காலை வேலைக்கு செல்லும் முன் எதையெல்லாம் பிரதானமாக செய்ய வேண்டும்!
இங்கு சிங்கப்பூரில் வேலை பார்ப்போர், ஒவ்வொரு நாளும் வேலைக்குச் செல்லும் முன் செய்ய வேண்டிய 5 முக்கியமான விஷயங்களைப் பற்றி பார்ப்போம்.
காலை உணவை மறக்காதீர்கள்:
பரபரப்பான வேலை நாளை சமாளிக்க உடலுக்கு சக்தி தேவை. இட்லி, தோசை, புட்டு போன்ற சத்தான உணவுகளை சாப்பிடுங்கள். வெறும் வயிற்றில் வேலைக்கு போனால் மதியம் வரை சோர்வாக இருப்பீர்கள்.
10 நிமிடம் தியானம் செய்யுங்கள்:
வேலை பற்றிய கவலைகளை ஒதுக்கி வைத்துவிட்டு, அமைதியாக உட்கார்ந்து மூச்சுப் பயிற்சி செய்யுங்கள். இது உங்கள் மனதை தெளிவாக்கி, நாள் முழுவதும் அமைதியாக இருக்க உதவும்.
உங்கள் குடும்பத்தினருடன் பேசுங்கள்:
வேலைக்கு கிளம்பும் முன், குடும்பத்தினருடன் சிறிது நேரம் பேசுங்கள். அவர்களின் அன்பும் ஆதரவும் உங்களுக்கு நம்பிக்கையையும் உற்சாகத்தையும் தரும்.
உங்கள் இன்றைய முக்கிய பணிகளை பட்டியலிடுங்கள்:
3 முக்கியமான வேலைகளை தேர்ந்தெடுத்து, அவற்றை முதலில் செய்ய திட்டமிடுங்கள். இது உங்கள் நாளை திறம்பட நிர்வகிக்க உதவும்.
நீர் அருந்துங்கள் மற்றும் உடற்பயிற்சி செய்யுங்கள்:
குறைந்தது 500 மி.லி தண்ணீர் குடியுங்கள். பின்னர் 10 நிமிடம் நடை, யோகா அல்லது எளிய உடற்பயிற்சிகள் செய்யுங்கள். இது உங்கள் உடலையும் மனதையும் புத்துணர்ச்சியுடன் வைத்திருக்கும்.
இந்த எளிய ஆனால் பயனுள்ள பழக்கங்களை கடைபிடித்தால், உங்கள் வேலை நாள் மிகவும் உற்சாகமாகவும் பலனளிக்கும் விதமாகவும் இருக்கும்.
