சிங்கப்பூர், உலகின் மிக வேகமாக வளரும் பொருளாதார மையங்களில் ஒன்றாகத் திகழ்கிறது. சாங்கி விமான நிலையத்தின் டெர்மினல் 5 போன்ற பெரிய திட்டங்கள் முதல், குவோகோ டவர் போன்ற உயரமான கட்டிடங்கள் வரை, சிங்கப்பூரின் கட்டுமானத் துறை நாட்டின் வளர்ச்சிக்கு முதுகெலும்பாக உள்ளது. இந்தத் துறை, வெளிநாட்டு ஊழியர்களை பெரிதும் சார்ந்துள்ளது.
ஆனால், இந்தத் துறையில் வெளிநாட்டு ஊழியர்களைப் பணியமர்த்துவதற்கு சிங்கப்பூர் அரசாங்கம் கடுமையான விதிமுறைகளைப் பின்பற்றி வருகிறது. 2025-ல், சிங்கப்பூர் அரசு புதிய வொர்க் பெர்மிட் (Work Permit) விதிகளை அறிமுகப்படுத்தியுள்ளது.
வொர்க் பெர்மிட் (Work Permit) என்பது, சிங்கப்பூரில் வெளிநாட்டு ஊழியர்கள் பணிபுரிவதற்கு ஒரு அதிகாரப்பூர்வ அனுமதி ஆகும். குறிப்பாக, கட்டுமானம், கப்பல் கட்டுமானம், உற்பத்தி (Manufacturing), மற்றும் சேவைத் துறைகளில் பணிபுரியும் அரை-திறன் (semi-skilled) வெளிநாட்டு ஊழியர்களை பணியமர்த்த இது தேவை.
தகுதியான நாடுகள் மற்றும் வயது வரம்பு:
கட்டுமானத் துறையில் வொர்க் பெர்மிட் பெற, ஊழியர்கள் குறிப்பிட்ட நாடுகளைச் சேர்ந்தவர்களாக இருக்க வேண்டும்.
- மலேசியா
- சீன மக்கள் குடியரசு (PRC)
- வட ஆசிய நாடுகள் (NAS): ஹாங்காங், மகாவு, தென் கொரியா, தைவான்
- இந்தியா, இலங்கை, தாய்லாந்து, வங்கதேசம், மியான்மர், பிலிப்பைன்ஸ்
குறைந்தபட்ச வயது: அனைத்து நாட்டவர்களுக்கும் குறைந்தபட்சம் 18 வயது நிரம்பியிருக்க வேண்டும்.
அதிகபட்ச வயது:
- மலேசிய நாட்டவர்களுக்கு: அதிகபட்ச வயது 58 ஆகும்.
- மற்ற நாட்டவர்களுக்கு: அதிகபட்ச வயது 50 ஆகும்.
- பணி அனுமதி நீட்டிப்பு (Renewal): பொதுவாக, பணி அனுமதி 60 வயது வரை நீட்டிக்கப்படும்.
- புதிய விதி: 2025 ஜூலை 1 முதல், சில நிபந்தனைகளுக்கு உட்பட்டு, இந்த அதிகபட்ச வயது வரம்பு 63 வயது வரை நீட்டிக்கப்படும்.
Basic-Skilled முடித்தவர்கள் அதிகபட்சமாக 14 ஆண்டுகள் வேலை செய்ய முடியும். Higher-Skilled (R1) முடித்தவர்கள் 26 ஆண்டுகள் வரை வேலை செய்ய முடியும்.
உங்கள் திறமைகளை உயர்த்திக் கொள்ள விரும்புகிறீர்களா? MOM (மனிதவள அமைச்சகம்) அங்கீகரித்த பயிற்சி மையங்களில், உதாரணமாக கட்டிட மற்றும் கட்டுமான ஆணையத்தின் (Building and Construction Authority – BCA) Skills Evaluation Test நீங்கள் மேற்கொள்ளலாம்.
இதன் பயன் என்ன தெரியுமா?
Skills Evaluation Test தேர்ச்சி பெற்று, உங்கள் திறமையை வளர்த்து கொண்டால், முதலாளிகள் செலுத்த வேண்டிய லெவி கட்டணம் குறையும். இது உங்களுக்கு அதிக மதிப்பைக் கொடுக்கும். உங்களின் Work Permit-யை நீண்ட காலத்திற்கு நீட்டித்துக் கொள்ள முடியும்.
கோட்டா மற்றும் லெவி கட்டணங்கள்:
சிங்கப்பூரில் வெளிநாட்டு ஊழியர்களை பணியமர்த்துவதற்கு, முதலாளிகள் கோட்டா (Dependency Ratio Ceiling – DRC) மற்றும் லெவி கட்டணங்களைப் பின்பற்ற வேண்டும். கட்டுமானத் துறையில், ஒரு உள்ளூர் ஊழியருக்கு ஐந்து பணி அனுமதி வைத்திருப்பவர்களை முதலாளிகள் பணியமர்த்தலாம்.
SIP என்றால் என்ன?
சிங்கப்பூர் அரசாங்கம் நடத்தும் Settling-In Programme (SIP) என்பது, சிங்கப்பூரில் புதிதாக வேலைக்கு வரும் வெளிநாட்டுத் தொழிலாளர்களுக்கான ஒரு அறிமுகத் திட்டமாகும். குறிப்பாக, Manufacturing Sector மற்றும் Construction, Marine Shipyard and Process (CMP) Sector களில் பணிபுரிவதற்கு வரும் மலேசியர் அல்லாத ஒர்க் பெர்மிட் வைத்திருப்பவர்கள், மற்றும் சிங்கப்பூருக்கு திரும்பும் IPA (In principle Approval) வைத்திருக்கும் பணியாளர்கள் இந்த திட்டத்தில் கலந்து கொள்ள வேண்டும்.
SIP திட்டத்தில் என்னென்ன கற்றுக்கொள்ளலாம்?
- சிங்கப்பூரின் வாழ்க்கை: வீட்டு வசதிகள், போக்குவரத்து, சுகாதாரம், கல்வி போன்ற அன்றாட வாழ்க்கை தொடர்பான தகவல்கள்.
- வேலை சார்ந்த விஷயங்கள்: வேலை நேரம், விடுமுறைகள், ஊதியம், சமூக பாதுகாப்பு, தொழில் சங்கங்கள் போன்ற விஷயங்கள்.
- சட்டம் மற்றும் ஒழுங்கு: சிங்கப்பூரின் சட்டங்கள், குறிப்பாக வேலை தொடர்பான சட்டங்கள் மற்றும் குற்றச் செயல்கள் குறித்த விழிப்புணர்வு.
- பாதுகாப்பு: வேலை இடத்தில் பாதுகாப்பு, தீயணைப்பு பாதுகாப்பு, மற்றும் இயற்கை பேரிடர் பாதுகாப்பு குறித்த வழிகாட்டுதல்கள்.
லெவி கட்டணங்கள்:
- அடிப்படை திறன் (R2): மாதம் SGD 300-450
- உயர் திறன் (R1): மாதம் SGD 200-300
சிங்கப்பூர் கட்டுமானத் துறையில் பாதுகாப்பு என்பது மிக மிக முக்கியமானது. அதனால் தான், அங்கு பணிபுரியும் அனைத்து வொர்க் பெர்மிட் (Work Permit) ஊழியர்களும் சில கட்டாயப் பயிற்சிகளை முடிக்க வேண்டும்.
முக்கிய பயிற்சிகள்:
Construction Safety Orientation Course (CSOC): இந்தப் பயிற்சி, பணியிடத்தில் பாதுகாப்பாக எப்படி நடந்து கொள்வது, ஆபத்துகளை எப்படிச் சமாளிப்பது, மற்றும் அவசர காலங்களில் என்ன செய்ய வேண்டும் என்பது குறித்துச் சொல்லித் தருகிறது. இது எல்லா ஊழியர்களுக்கும் அடிப்படைப் பாதுகாப்பு குறித்து கற்பிக்கிறது.
BCA அங்கீகரிக்கப்பட்ட திறன் பயிற்சி: குறிப்பிட்ட கட்டுமானப் பணிகளுக்கான தொழில்நுட்ப திறன்களை உறுதி செய்கிறது.
மேலும், முதலாளிகள் ஒவ்வொரு ஊழியருக்கும் குறைந்தபட்சம் SGD 15,000 மதிப்புள்ள மருத்துவ காப்பீட்டை வழங்க வேண்டும். இது பணியிட காயங்கள், மருத்துவ சிகிச்சைகள், மற்றும் அவசர சூழ்நிலைகளை உள்ளடக்கியது.
சிங்கப்பூரில் வொர்க் பெர்மிட் (Work Permit) பெறுவதற்கான விண்ணப்ப செயல்முறை மிகவும் எளிமையானது. முதலாளிகள் MOM (மனிதவள அமைச்சகம்) -இன் Work Permit Online (WPOL) இணையதளம் வழியாக விண்ணப்பிக்க வேண்டும்.
விண்ணப்பிக்கத் தேவையான ஆவணங்கள்:
1. பாஸ்போர்ட்டின் நகல்
2. கல்வி சான்றிதழ்கள்
3. பாதுகாப்புப் பயிற்சி சான்றிதழ்கள்
4. மருத்துவப் பரிசோதனை அறிக்கை
வழக்கமாக, இந்த விண்ணப்ப செயல்முறை முடிவடைய 1 முதல் 3 வாரங்கள் ஆகலாம். ஆனால், நீங்கள் சமர்ப்பிக்கும் ஆவணங்கள் முழுமையாகவும் சரியாகவும் இல்லையெனில், செயல்முறை தாமதமாக வாய்ப்புள்ளது.
மேலும், முதலாளிகள் பணியிடப் பாதுகாப்பு விதிமுறைகளையும், சிங்கப்பூரின் உள்ளூர் சட்டங்களையும் முறையாகப் பின்பற்றுகிறார்களா என்பதை MOM தொடர்ந்து கண்காணித்து வருகிறது. இது ஊழியர்களின் பாதுகாப்பு மற்றும் உரிமைகளை உறுதி செய்கிறது.
சிங்கப்பூருக்கு வேலைக்கு வருகிறீர்களா? SIP பற்றிய தகவலை கண்டிப்பாக தெரிந்து கொள்ளுங்கள்!
2025-இல் புதிய மாற்றங்கள்:
2025-ல், சிங்கப்பூர் அரசு பல புதிய விதிமுறைகளை அறிமுகப்படுத்தியுள்ளது:
வயது வரம்பு விரிவாக்கம்: 60 வயதுக்கு மேல் 63 வயது வரை பணியாற்ற அனுமதி, தொழிலாளர் பற்றாக்குறையை சமாளிக்க உதவும்.
திறன் மேம்பாடு: உயர் திறன் (R1) ஊழியர்களுக்கு முன்னுரிமை, இதனால் முதலாளிகள் திறமையான தொழிலாளர்களை பணியமர்த்த உதவும்.
சிங்கப்பூரில் உள்ளூர் ஊழியர்களை (அதாவது, சிங்கப்பூர் குடிமக்கள் மற்றும் PR) ) அதிகம் பணியமர்த்த நிறுவனங்களை ஊக்குவிப்பதற்காக, வெளிநாட்டு ஊழியர்களுக்கான கோட்டா விகிதங்கள் (Quota Ratios) மறுபரிசீலனை செய்யப்படும். இந்த மாற்றங்கள், குறிப்பாக சிறிய கட்டுமான நிறுவனங்களுக்கு சில சவால்களை ஏற்படுத்தக்கூடும்.
மேலும் விவரங்களுக்கும் MOM-இன் (மனிதவள அமைச்சகம்) அதிகாரப்பூர்வ இணையதளமான www.mom.gov.sg-ஐப் பார்வையிடவும்.
