சிங்கப்பூரில் செயல்பட்டு வரும் Temasek அறக்கட்டளை நிறுவனம் இந்த தொற்று காலத்தில் சிங்கப்பூர் மக்களுக்கு இலவசமாக முகக்கவசங்களை வழங்கி வருகின்றது என்பது குறிப்பிடத்தக்கது. இந்நிலையில் அந்த நிறுவனத்தால் நிறுவப்பட்ட முகக்கவச விற்பனை இயந்திரங்களில் இருந்து 397 முகமூடிகளை சட்டவிரோதமாக எடுத்ததற்காக 48 வயதான சிங்கப்பூர் பெண் சுவா சா மே என்பவருக்கு நேற்று திங்கள்கிழமை (ஜனவரி 17) ஏழு மாத சிறைத்தண்டனை விதிக்கப்பட்டது.
தன் மீது சுமத்தப்பட்ட ஒரு மோசடி குற்றத்தை அவர் ஒப்புக்கொண்டார், கடந்த ஜூன் 2020 மற்றும் செப்டம்பர் 2020ல், Temasek அறக்கட்டளை ஒவ்வொரு சிங்கப்பூர் குடியிருப்பாளர்களுக்கும் ஒரு கிட் ஒன்றுக்கு இரண்டு மறுபயன்பாட்டு (reusable) முகமூடிகள் கொண்ட மாஸ்க் கிட்களை இலவசமாக விநியோகித்தது குறிப்பிடத்தக்கது. ஒவ்வொரு நபருக்கும் முகமூடிகளின் தொகுப்பை வாங்க உரிமை உண்டு. நியமிக்கப்பட்ட டெமாசெக் விற்பனை இயந்திரங்களில் தங்கள் அடையாள எண்ணைக் குறிப்பதன் மூலம் அவர்கள் முகமூடிகளை மீட்டெடுக்கலாம்.
மதர்ஷி கண்ட நீதிமன்ற ஆவணங்களின்படி, சுவா தனது குற்றங்களின் போது ஆட்சேர்ப்பு செய்பவராக பணிபுரிந்தார் என்று கூறப்படுகிறது. மேலும் அவர் கிளாரியன்ட் சிங்கப்பூர் மற்றும் ஆர்க்ரோமா சிங்கப்பூர் ஆகிய இரண்டு நிறுவனங்களுக்கு பணிபுரிந்து வந்துள்ளார். அந்த நிறுவனங்களில் வெளிநாட்டு ஊழியர்களின் வெளிநாட்டு அடையாள எண்கள் (FIN) அவருக்கு வழங்கப்படும். அதனால் அவர்களின் ஊதியம் மற்றும் பணி அனுமதி விண்ணப்பங்களை அவர் கையாள முடியும் என்று கூறப்படுகிறது. இதனையடுத்து ஊழியர்களின் FIN தகவலை அவர் தனது ஹார்ட் டிரைவில் சேமித்து வைத்துள்ளார்.
இந்த நேரத்தில் தான் டெமாசெக் அறக்கட்டளையின் ஒவ்வொரு முகமூடி கிட் விநியோகத்தின் போதும் சுவா தனது சொந்த பயன்பாட்டிற்காக அதிக முகமூடிகளை பெற விரும்பினார். எனவே, முகமூடிகளை சட்டவிரோதமாக மீட்டெடுக்க அந்த ஊழியர்களின் FIN தகவலை அவர்களின் அங்கீகாரம் இல்லாமல் பயன்படுத்தினார். ஒருமுறை இருமுறையல்ல சுமார் 350க்கும் மேற்பட்ட முறை அவர் இப்படி செய்து முகமூடிகளை பெற்றுள்ளார்.
கடந்த செப்டம்பர் 27, 2020 அன்று எடுக்கப்பட்ட CCTV காட்சிகளில், ஒரு விற்பனை இயந்திரத்திலிருந்து மூன்று டெமாசெக் மாஸ்க் கிட்களை சுவா மீட்டெடுத்ததைக் காட்டியது. இதையடுத்து அவர் கைது செய்யப்பட்டு, அவரது வீட்டில் இருந்த 454 முகமூடிகளை போலீஸாரிடம் ஒப்படைத்தார். அவர் மீது வழக்கு பதிவு செய்யப்பட்ட நிலையில் அவருக்கு தற்போது 7 மாத சிறை தண்டனை விதிக்கப்பட்டுள்ளது.