சிங்கப்பூர், மார்ச் 15, 2025: சிங்கப்பூரில் வேலை தேடி வரும் வெளிநாட்டு ஊழியர்கள் பலர் ஏஜென்ட்கள் மூலம் லட்சக்கணக்கில் செலவழித்து வேலை பெறுகின்றனர். சிலர் திறன் தேர்வு (Skill Test) மூலம் நேரடியாக வேலைக்கு வருகின்றனர். Shipyard, PCM போன்ற தொழில்துறைகளில் Work Permit மூலம் வேலைக்கு வருவோர் மாதம் SGD $500 முதல் SGD $1000 வரை சம்பளம் பெறுகின்றனர். ஆனால், S Pass மூலம் வேலை பெறுவோருக்கு SGD $3000 அல்லது அதற்கு மேல் கிடைப்பதால், பலர் இதற்கு மாற விரும்புகின்றனர்.
S Pass பெற விரும்புவோருக்கு முக்கியமான செயல்முறைகள் உள்ளன. Mechanical, Civil, Electrical Engineering போன்ற துறைகளில் டிப்ளோமா முடித்தவர்கள், சிங்கப்பூரில் பணிபுரியும் போது Part-Time படிப்புகள் மூலம் திறன் சான்றிதழ் பெறலாம். இது அவர்களின் திறன்களை மேம்படுத்தி, S Pass வாய்ப்பை அதிகரிக்கும். இரண்டு அல்லது மூன்று ஆண்டுகள் அனுபவத்திற்குப் பின், JobStreet, MyCareersFuture, Indeed போன்ற இணையதளங்களில் வேலை தேடுவது பயனுள்ளதாக இருக்கும். வெப்சைட் மூலம் வேலை கிடைக்காவிட்டால், நம்பகமான ஏஜென்ட்களை நாடலாம். ஆனால், அவர்களின் நம்பகத்தன்மையை உறுதி செய்வது அவசியம்.
S Pass விண்ணப்பம் மனிதவள அமைச்சகத்தில் (MOM) அனுமதி பெற வேண்டும். SGD 1,500 சம்பளத்திலிருந்து SGD $3,300 சம்பளத்திற்கு மாறுவது சவாலானது; MOM நிராகரிப்பு ஏற்படலாம். எனவே, மீண்டும் முயற்சி செய்வது முக்கியம். பலர் இம்முறையில் வெற்றி பெற்றுள்ளனர். புதிய வேலைக்குச் செல்ல முன், முந்தைய Work Permit-ஐ ரத்து செய்ய வேண்டும்.
2025 முதல் S Pass Quota குறைக்கப்பட்டுள்ளதாக MOM அறிவித்துள்ளது. இது வெளிநாட்டு ஊழியர்களுக்கு புதிய சவாலாக அமைகிறது. துறை சார்ந்த Quota நிலைமையை கருத்தில் கொண்டு திட்டமிட வேண்டும். இதனால், திறன் மேம்பாடு மற்றும் சரியான வேலை தேடல் உத்திகள் முக்கியமாகின்றன. SGD $3300 என S Pass குறைந்தபட்ச சம்பளம் செப்டம்பர் 2025 முதல் உயர உள்ளதால், தயாரிப்பு அவசியம்.
