அமெரிக்க சீன இடையேயான மோதல் அனைத்து நாடுகளையும் பாதிக்கும் என்று பிரதமர் லீ எச்சரிக்கை தெரிவித்துள்ளார். தைவான் முதல் அமெரிக்காவுக்கும் சீனாவுக்கும் இடையிலான அழிவுகரமான போட்டி வரை அவரிடம் கருத்து கேட்கப்பட்டு அதற்கு அவர் பதில் அளித்துள்ளார்.
இரு தரப்பினரும் மோதலை அதிகரித்தால் அமெரிக்காவும் சீனாவும் வெற்றியாளராக இருப்பார்கள் என்று யூகிக்க முடியாது என்று பிரதமர் லீ சியன் லூங் மீண்டும் எச்சரித்தார்.
ஆகஸ்ட் 3, 2021 அன்று ஆஸ்பென் பாதுகாப்பு மன்றத்திற்கு வீடியோ இணைபப்பு மூலம் சிங்கப்பூர் பிரதமர் லீ பேசினார். அமெரிக்கா சீனாவுடன் ஆரோக்கியமான போட்டியில் ஈடுபடுவதிலிருந்து விலகி ” அமெரிக்கா வெற்றிபெற வேண்டும், ஒரு வழியில் அல்லது வேறு வழியில்” என்ற நிலைக்கு நகர்ந்துள்ளதாக அவர் தெரிவித்தார்.
“சீனா ஒரு எதிரி என்று முடிவெடுத்தால் அவர்கள் என்ன ஒரு வலிமையான எதிரியை எதிர்கொள்வார்கள் என்பதை அமெரிக்கர்கள் உணர்கிறார்களா என்று எனக்குத் தெரியவில்லை,” என்றும் அவர் கூறினார். தீர்மானத்தின் எந்த குறைவான மதிப்பீடும், மற்றவறை பழிவாங்கும் ஆற்றலும் பெரிய பிரச்சினைகளை உருவாக்கி அனைத்து நாடுகளையும் பாதிக்கும் என தெரிவித்துள்ளார்.
“பல அமெரிக்க நண்பர்கள் மற்றும் கூட்டு நாடுகள் இரு நாட்டு சக்திகளுடனும் தங்கள் விரிவான உறவுகளைப் பாதுகாக்க விரும்புகிறார்கள். மோதலில் இருந்து எந்த நல்ல முடிவும் எழாது, ”என்று பிரதமர் லீ கூறினார்.
“அமெரிக்காவும் சீனாவும் மோதலைத் தடுக்க ஒருவருக்கொருவர் ஈடுபட முயற்சிப்பது மிகவும் முக்கியம், அப்படி மோதலை தடுக்காவிட்டால் அது இரு தரப்பிற்கும் உலகிற்கும் பேரழிவை ஏற்படுத்தும்.” என்று சிங்கப்பூர் பிரதமர் லீ எச்சரித்துள்ளார்.