அசாம் மாநில முதல்வர் ஹிமந்த பிஸ்வ சர்மா, சிங்கப்பூருக்கு மூன்று நாள் அதிகாரப்பூர்வ பயணத்தை மேற்கொண்டார். அப்போது சிங்கப்பூர் நிறுவனங்கள் தங்களது முதலீட்டுப் பார்வையை இந்தியாவின் வடகிழக்கு மாநிலங்கள் மீது திருப்ப வேண்டும் என்று வலியுறுத்தினார்.
அசாம் மற்றும் வடகிழக்கு மாநிலங்களில் முதலீட்டுக்கான ஏராளமான வாய்ப்புகள் உள்ளன என்றும், குறிப்பாக சுற்றுலா, தொழில்நுட்பம் மற்றும் உள்கட்டமைப்பு துறைகளில் முதலீடு செய்ய சிங்கப்பூர் நிறுவனங்களுக்கு அவர் அழைப்பு விடுத்தார். தாவது, சிங்கப்பூர் நிறுவனங்கள் தங்களது முதலீட்டு கவனத்தை தமிழ்நாடு, மகாராஷ்டிரா, குஜராத் போன்ற வளர்ந்த மாநிலங்களில் மட்டும் செலுத்தாமல், அசாம் மாநிலத்திலும் முதலீடு செய்ய வேண்டும் என்று அவர் கேட்டுக்கொண்டுள்ளார்.
மேலும், அசாம் அரசு முதலீட்டாளர்களுக்கு பல்வேறு சலுகைகளை வழங்கி வருகிறது என்றும், குறிப்பாக தொழில் தொடங்க எளிதான சூழலை உருவாக்கித் தந்துள்ளது என்றும் அவர் கூறினார்.
அசாம் மாநிலத்தில் முதலீடு செய்வதன் மூலம், அம்மாநிலத்தின் பொருளாதாரம் மேம்படும், வேலைவாய்ப்புகள் பெருகும் என்று அவர் குறிப்பிட்டுள்ளார். மேலும், அசாம் அரசு முதலீட்டாளர்களுக்கு பல்வேறு சலுகைகளை வழங்கி வருகிறது என்றும், குறிப்பாக தொழில் தொடங்க எளிதான சூழலை உருவாக்கித் தந்துள்ளது என்றும் அவர் கூறியுள்ளார்.
சிங்கப்பூர் நிறுவனங்கள் அசாம் மாநிலத்தில் முதலீடு செய்வதன் மூலம், அம்மாநிலத்தின் வளர்ச்சிக்கு உதவுவதோடு மட்டுமல்லாமல், தங்களுக்கு லாபகரமான வாய்ப்புகளையும் உருவாக்கிக் கொள்ள முடியும் என்று அவர் நம்பிக்கை தெரிவித்துள்ளார்.
நாங்களும் வளர்ச்சியடைய விரும்புகிறோம், எங்களால் உங்களுக்கு பல்வேறு வாய்ப்புகளை வழங்க முடியும், என்று அசாம் முதல்வர் ஹிமந்த பிஸ்வ சர்மா தெரிவித்துள்ளார்.
அசாம் மாநிலம் ஆண்டுக்கு 19% வளர்ச்சி விகிதத்தில் முன்னேறி வருவதாக அவர் கூறி, பொருளாதார வளர்ச்சியை மேலும் அதிகரிக்க ஏராளமான திட்டங்கள் உள்ளன என்று குறிப்பிட்டார். அசாம் மாநிலத்தின் வளங்களையும் வளர்ச்சிக்கான புதிய வாய்ப்புகளையும் உலகெங்கும் அறிமுகப்படுத்தி முதலீடுகளை ஈர்க்கும் நோக்கில் இந்த கருத்துக்கள் முன்வைக்கப்பட்டன.
அசாம் மாநில முதல்வர் ஹிமந்த பிஸ்வ சர்மா, ஹைட்ரோகார்பன், பெட்ரோகெமிக்கல், பசுமை எரிசக்தி, மின்னணுவியல், மற்றும் பகுதி மின்கடத்திகள் போன்ற துறைகளில் உள்ள முதலீட்டு வாய்ப்புகளை சிங்கப்பூர் நிறுவனங்களுக்கு முன்வைத்தார்.
அசாமின் ஜாகீரோட் பகுதியில் அமையவிருக்கும் மின்னணு நகரம் குறித்து பேசிய திரு சர்மா, இந்த திட்டம் அசாமை உயர்தொழில்நுட்ப உற்பத்தி மையமாக மாற்றும் பாதையில் முன்னேற்றும் என்று தெரிவித்தார்.
சிங்கப்பூர் நிறுவனங்களை அசாமில் முதலீடு செய்ய வரவேற்கும் வகையில் அவர் அழைப்பு விடுத்தார். அசாமின் வளங்களையும் வளர்ச்சித் திடகாத்திரத்தையும் பயன்படுத்தி உலக தரத்திற்கான தொழில்நுட்ப வளர்ச்சி ஏற்படும் என்று அவர் நம்பிக்கை தெரிவித்துள்ளார்.
திரு சர்மா தமது பயணத்தின் முக்கிய அங்கமாகச் சிங்கப்பூர் வெளியுறவு அமைச்சர் விவியன் பாலகிருஷ்ணனுடன் விரிவான கலந்துரையாடல்களை நடத்தினார்.
சிங்கப்பூர் வெளியுறவு அமைச்சர் திரு விவியன் பாலகிருஷ்ணன், அசாம் மாநில முதல்வர் ஹிமந்த பிஸ்வ சர்மா உடனான சந்திப்பு குறித்து தனது ஃபேஸ்புக் பக்கத்தில் சில தகவல்களைப் பகிர்ந்துள்ளார்.
அதில் அவர், அசாம் மாநிலம் இந்தியாவின் வேகமாக வளர்ந்து வரும் பொருளாதாரங்களில் ஒன்று என்றும், தென்கிழக்காசியாவின் நுழைவாயில்களில் ஒன்று என்றும் குறிப்பிட்டுள்ளார். திரு சர்மாவுடனான சந்திப்பு மிகவும் பயனுள்ளதாக இருந்தது என்றும், சுகாதாரப் பராமரிப்பு, கல்வி, திறன் மேம்பாடு போன்ற துறைகளில் சிங்கப்பூர் மற்றும் அசாம் இடையேயான ஒத்துழைப்பை எவ்வாறு விரிவுபடுத்தலாம் என்பது குறித்து இருவரும் ஆலோசித்தோம் என்றும் அவர் கூறியுள்ளார்.
மேலும், எதிர்காலத்தில் அசாமுடன் வலுவான பங்காளித்துவத்தை எதிர்நோக்குவதாகவும் திரு விவியன் தெரிவித்துள்ளார். அண்மைய மாதங்களாக, இந்தியாவின் பல்வேறு மாநில முதல்வர்கள், அமைச்சர்கள் மற்றும் அரசாங்கப் பேராளர்கள் தங்கள் மாநிலங்களுக்கான முதலீடுகளை ஈர்க்க சிங்கப்பூருக்கு வந்து சென்றது குறிப்பிடத்தக்கது.
இந்த சந்திப்பு அசாம் மாநிலத்திற்கும், சிங்கப்பூருக்கும் இடையேயான உறவை மேலும் வலுப்படுத்தும் என்று எதிர்பார்க்கப்படுகிறது.
