சிங்கப்பூரில் ஏகப்பட்ட வொர்க் பாஸ்கள் நடைமுறையில் இருக்கிறது. PCMல் தொடங்கி EPass வரை பல பாஸ்களுக்க் ஏஜென்ட்கள் 5 லட்சம் வரை கூட கட்டணமாக கேட்கின்றனர். ஆனால் MOMன் அறிக்கைப்படி ஒரு பாஸ் வாங்கி கொடுக்க சிங்கப்பூர் ஏஜென்ட் கட்டணம் அதிகப்பட்சமாக அந்த ஊழியரின் இரண்டு நாட்கள் சம்பளம் மட்டுமே என்று கூறப்படுகிறது.
இருந்தும், இந்திய ஏஜென்ட், சிங்கப்பூர் ஏஜென்ட் என இருவருக்கும் கட்டணம் என மிகப்பெரிய தொகையை ஊழியர்கள் கொடுத்து விட்டு தான் வேலைக்கு வர வேண்டி இருக்கிறது. ஆனால் அந்த தொகையை கடனாக வாங்கியவர்களிடம் கொடுக்க ஒரு ஊழியர் குறைந்தது 2 வருடம் சிங்கப்பூரில் கஷ்டப்பட வேண்டி இருக்கும்.
இதையும் படிங்க: குஜராத்தினை சிங்கப்பூர் போல மாற்ற ஆசை.. 70 நாட்கள்… 7000 கிமீ… இந்தியாவில் இருந்து சைக்கிளில் சிங்கப்பூர் வந்த ஜெர்ரி
இந்த பிரச்னையை சரி செய்ய சிங்கப்பூரில் இருக்கும் வேலை வாய்ப்பு இணையத்தளங்களில் பதிவு செய்து அதன் மூலம் நேர்காணல் முடித்து வேலைக்கு வந்தால் உங்களுக்கு அதிகபட்சமாக 50 ஆயிரத்திற்குள் எல்லா செலவுமே முடிந்து விடும் என்கின்றனர். ஆனால் அந்த வேலையை கண்டுப்பிடிக்க உங்களுக்கு பெரிய மெனக்கெடல் தேவைப்படும். பொறுமையாக இருந்து சரியான ரெசியூமினை சப்மிட் செய்தாலே வேலை கிடைக்கும் வாய்ப்பும் அதிகரிக்கும்.
SPassல் ஊழியர்களை வேலைக்கு எடுக்கும் போது Mycareersfuture இணையத்தளத்தில் 14 நாட்கள் விளம்பரம் கொடுத்து விட்டு தான் அந்த பணிக்கு ஆட்களை வேலைக்கு எடுக்க வேண்டும். தற்போது புதிய CareersFinder வசதியை MyCareersFuture தளத்தில் 2023ன் மூன்றாம் காலாண்டில் MOM அறிமுகப்படுத்த இருக்கிறது.
CareersFinder என்பது வேலைகள் மற்றும் பயிற்சி பரிந்துரையாளர்களை ஒருங்கிணைக்க முயற்சிக்கும் முதல் படி என்று மனிதவள அமைச்சரும் வர்த்தகம் மற்றும் தொழில்துறைக்கான இரண்டாவது அமைச்சருமான டான் சீ லெங் தனது உரையில் மார்ச் 1 நடந்த விவாதங்களின் போது கூறினார்.
இதையும் படிங்க: சிங்கப்பூருக்கு வேலை கேட்டு அலுத்து போயிட்டீங்களா? Chill பண்ணுங்க.. நீங்களே வேலைக்கு Apply பண்ணலாம்… பிடிச்ச வேலையும் தட்டி தூக்குலாம்
டானின் கூற்றுப்படி, வேலை வாய்ப்புகள் மற்றும் திறன்களைப் பரிந்துரைக்கும் அம்சம், சில சிங்கப்பூரர்கள் தங்களுடைய வேலை வாய்ப்புகள் மற்றும் திறன்களை மேம்படுத்துவதை ஆராய விரும்புகிறார்கள் என்ற கருத்துக்கு பதிலளிக்கும் வகையில் தொடங்கப்பட்டது.
CareersFinder, Workforce Singapore (WSG) இன் தற்போதைய MyCareersFuture போர்ட்டலில் புதிய கூடுதல் அம்சமாக இருக்கும்.
போர்ட்டலின் தற்போதைய அம்சங்களுடன் இது கூடுதலாகும். இதில் வேலைகள்-திறன் பொருந்தக்கூடிய தொழில்நுட்பம், அரசாங்க ஆதரவு filter மற்றும் MyCareersFuture வழங்கும் வொர்க்பீடியா ஆகியவை அடங்கும்.
இந்த அம்சம் அனைத்து தனிநபர்களையும் இலக்காகக் கொண்டது. அதனுடன்:
- புதிய தொழில் வாய்ப்புகளை ஆராய விரும்புபவர்கள் ஆனால் எங்கு தொடங்குவது என்று தெரியாதவர்களுக்கு.
- அருகிலுள்ள வேலைப் பகுதிகளுக்குச் செல்ல விரும்புவோர் மற்றும் தேவையான திறன்களைக் கண்டறிய விரும்புவோர்
- திறமையை மேம்படுத்த அல்லது தொழில் மாற்றத்தை மேற்கொள்ள விரும்பும் பணியாளர்களுக்கு இது உதவியாக இருக்கும்.
CareersFinder, வேலை தேடுபவர்களுக்கு உதவ, திறன்கள் மற்றும் வேலை மாற்றங்கள் குறித்த தரவுகளைப் பயன்படுத்தி, AI மூலம் செயல்படுகிறது.
பயனர்களின் தனிப்பட்ட சுயவிவரங்களின் அடிப்படையில் சாத்தியமான தொழில் வாய்ப்புகளை அடையாளம் காண இந்த அம்சம் உதவும். பொருத்தமான பயிற்சித் திட்டங்களும் பரிந்துரைக்கப்படும்.
CareersFinder பற்றி மேலும் அறிய விரும்புவோர் WSGயின் இணையதளம் வழியாக தங்கள் ஆர்வத்தைப் பதிவு செய்யலாம் என அறிவிக்கப்பட்டுள்ளது.
