சிங்கப்பூரில் குளிரூட்டப்பட்ட மற்றும் உறைந்த உணவுகளை சேமிப்பதற்கும் பிற இடங்களுக்கு எடுத்துச் செல்வதற்கும் புதிய தரநிலைகள் தொடங்கப்பட்டுள்ளன என்று சிங்கப்பூர் தரநிலை கவுன்சில் (SSC) இன்று வெள்ளிக்கிழமை (அக்டோபர் 1) வெளியிட்ட அறிக்கையில் தெரிவித்துள்ளது. இந்த புதிய தரநிலைகள் சிங்கப்பூரின் குளிர்சாதன மற்றும் உறைந்த உணவின் மேலாண்மையை மேம்படுத்துகின்றன. இதில் முன்கூட்டியே பேக்கேஜ் செய்யப்பட்ட உணவு, இறைச்சி, காய்கறிகள் மற்றும் முட்டைகள் அடங்கும் என்பது குறிப்பிடத்தக்கது.
தொற்றுநோய்க்கு மத்தியில் சிங்கப்பூரர்கள் தொடர்ந்து வீட்டில் தங்கியிருப்பதால் உறைந்த உணவுகளுக்கான தேவை 20 சதவிகிதம் அதிகரிப்பதை சூப்பர் மார்க்கெட்டுகள் கவனிப்பதையடுத்து இந்த புதிய நடவடிக்கை மேற்கொள்ளப்பட்டுள்ளது. மேலும் இந்த புதிய நடவடிக்கைகளை எண்டர்பிரைஸ் சிங்கப்பூர் (ESG), சிங்கப்பூர் உற்பத்தி கூட்டமைப்பு – தரநிலை மேம்பாட்டு அமைப்பு (SMFSDO) மற்றும் சிங்கப்பூர் உணவு நிறுவனம் (SFA) ஆகியவற்றால் மேற்பார்வை செய்யப்படும். தரநிலைகள் பாதுகாப்பான, புதிய மற்றும் தரமான பொருட்களை பெறுவதை உறுதி செய்யும்.
இந்த தரங்களை ஏற்றுக்கொள்ளும் வணிகங்கள் முழு குளிர் சங்கிலியிலும் நேர-வெப்பநிலை சுயவிவரத்தை கண்காணிக்க வேண்டும். இது செயலாக்கம் நிறுவனங்கள் தொடங்கி சில்லறை விற்பனை நிலையங்களில் கிடங்குகள் மற்றும் குளிரூட்டிகள் மற்றும் போக்குவரத்து என்று எல்லாமே அடங்கும். இது வணிகங்கள் உணவு கெட்டுப்போகும் அபாயத்தை சிறப்பாக நிர்வகிக்க உதவுகிறது, மேலும், நீண்ட காலத்திற்கு செலவு சேமிப்பை உருவாக்குகிறது.
“இந்த புதிய தரநிலைகள் நமது குளிர் சங்கிலி செயல்முறைகளின் நம்பகத்தன்மையையும் செயல்திறனையும் மேம்படுத்த உதவுவது மட்டுமல்லாமல், உணவு கழிவுகளை குறைப்பதன் மூலம் நமது நிலையான இலக்குகளுக்கு பங்களிக்கிறது. மேலும் எங்கள் வாடிக்கையாளர்களுக்கு புதிய மற்றும் தரமான உணவை வழங்குவதற்கான எங்கள் உறுதிப்பாட்டை மேலும் வலுப்படுத்துகிறது.”
