சிங்கப்பூரில் ராஃபிள்ஸ் பிளேஸில் உள்ள கட்டுமான தளத்தில் கடந்த சனிக்கிழமை (ஜனவரி 25) ஒரு தொழிலாளி கீழே விழுந்து உயிரிழந்தார். ஜனவரி 25-ம் தேதி ராஃபிள்ஸ் பிளேஸில் உள்ள கட்டுமான தளத்தில் 31 வயதான ஒரு வங்கதேச தொழிலாளி 3 மீட்டர் ஆழமான பைலிங் குழியில் விழுந்து உயிரிழந்தார். அவர் பணியாற்றிக் கொண்டிருந்த போது தரையில் ஏற்பட்ட விரிசலால் அவர் குழியில் விழுந்தார்.
தொழிலாளர் துறை அமைச்சகம் (MOM) தெரிவித்ததாவது, கட்டுமான தளத்தில் பிற்பகல் 2.30 மணி அளவில் இந்த வேலைத்தள விபத்து நிகழ்ந்தது. தரையின் கீழ் பகுதி இடிந்து விழுந்ததால் தொழிலாளி Lifting பணியில் ஈடுபட்டிருந்தபோது அவர் தரையில் விழுந்து உயிரிழந்தார். முன்பு Clifford Centre இருந்த இடத்தில் புதிய கட்டுமானத் தளம் அமைந்துள்ளது. அங்கு மறுசீரமைப்புப் பணிகள் மேற்கொள்ளப்பட்டு வருகின்றன. சம்பவம் குறித்துப் பிற்பகல் 3 மணியளவில் தகவல் கிடைத்ததாகச் சிங்கப்பூர்க் குடிமைத் தற்காப்புப் படை தெரிவித்தது.
சிங்கப்பூர் குடிமைத் தற்காப்புப் படை (SCDF) தெரிவித்தபடி, Marina Bay விரைப்பு நிலையத்தில் இருந்து தீயணைப்பு வீரர்கள் மற்றும் பேரிடர் மீட்பு குழு (DART) செயல்படுத்தப்பட்டனர். SCDF குழு, மீட்பு கயிறுகள் மற்றும் பாதுகாப்பு உடைகள் உள்ளிட்ட உயரத்தில் மீட்புக்கான கருவிகளைப் பயன்படுத்தி, காயமடைந்த தொழிலாளரை மீட்டனர். 31 வயதான அந்த நபர் சம்பவ இடத்திலேயே உயிரிழந்ததாக SCDF மருத்துவ உதவியாளர் அறிவித்தார் என்று தெரிவித்தனர். ஆரம்ப கட்ட விசாரணைகளின் அடிப்படையில்,
இவரது மரணத்தில் சந்தேகப்படும்படியான தகவல் எதுவும் கண்டறியப்படவில்லை என காவல்துறை சார்பில் தெரிவிக்கப்பட்டுள்ளது.
தொழிலாளர் துறை அமைச்சகம் (MOM) இந்த சம்பவம் குறித்து விசாரணை நடத்தி வருவதாகவும், கட்டிடத்தின் அடித்தள கட்டுமானப் பணிகளுக்கு வேலை நிறுத்த உத்தரவு பிறப்பித்துள்ளதாகவும் தெரிவித்துள்ளது.
தளத்தின் உரிமையாளர் Woh Hup (Private) Limited. மேலும் தொழிலாளி நர் தேவ் பில்டர்ஸ் நிறுவனத்தில் பணியாற்றுகிறார். இந்த திட்டத்தின் கட்டட வடிவமைப்பாளர் எஸ்.எல். ப்ராபர்ட்டீஸ் லிமிடெட் ஆவார்.
தற்போதைய ஈரமான வானிலையைக் கருத்தில் கொண்டு, குறிப்பாக கனமழைக்குப் பிறகு, தொழிலாளர்களுக்கு பாதுகாப்பான சூழலை உறுதிப்படுத்தும் வகையில், ஒப்பந்ததாரர்கள் வேலைச் சூழலை மறு மதிப்பீடு செய்யுமாறு கேட்டுக் கொள்ளப்படுகிறார்கள்.
