மூன்றாம் நபர் (Via Third Party) மூலம் சிங்கப்பூர் – மலேசியா இடையே நில VTL டிக்கெட்டுகளை வாங்க வேண்டாம் என்று இரண்டு பேருந்து சேவை நிறுவனங்கள் பயணிகளை கேட்டுக்கொண்டுள்ளனர். ஆன்லைன் சந்தையான Carousellல் சிங்கப்பூரிலிருந்து மலேசியாவிற்கு ஒரு பயணத்திற்கான டிக்கெட்டுக்கு 120 வெள்ளிக்கு விற்பனை செய்யப்படுகிறது. ஆனால் இதே டிக்கெட்டை Third Partyயிடம் வாங்கினால் சுமார் 8 மடங்கு அதிக விலை கொடுக்கவேண்டியுள்ளது அந்த இரண்டு பேருந்து சேவை நிறுவனங்கள் தெரிவித்துள்ளன.
இதையும் படியுங்கள் : நிலுவையில் நல்லதம்பி வழக்கு
சீன நாளிதழான ஷின் மின் டெய்லி நியூஸ் நேற்று செவ்வாயன்று வெளியிட்ட அறிக்கையில் (டிசம்பர் 28) மக்கள் பேருந்து டிக்கெட்டுகளைப் பெறுவதற்கு அதிக விலையை செலுத்தத் தயாராக இருப்பதாகச் செய்தி வெளியிட்டது. இந்நிலையில் Tran star Travel நிர்வாக இயக்குநர் எல்சன் யாப், வாடிக்கையாளர்களின் டிக்கெட்டுகளை நிறுவனத்தின் இரண்டு அதிகாரப்பூர்வ விற்பனை சேனல்களான அதன் இணையதளம் மற்றும் இ-காமர்ஸ் தளமான Shopee ஆகியவற்றில் மட்டுமே வாங்குமாறு கேட்டுக் கொண்டார்.
மூன்றாம் தரப்பினருக்கு தனிப்பட்ட விவரங்களை வெளியிடுவது பாதுகாப்பானது அல்ல என்றார் அவர். மேலும் டிக்கெட்டுகளை வாங்கும் போது பாஸ்போர்ட் எண்கள் மற்றும் பயணிகளின் பிறந்த தேதி உள்ளிட்ட விவரங்கள் தேவைப்படும் என்றும் அவர் கூறினார். இதற்கிடையில், காஸ்வே லிங்கின் செய்தித் தொடர்பாளர் கூறுகையில், சமூக ஊடக தளங்களில் டிக்கெட் வாங்கும் சேவையை வழங்குகின்ற நபர்களை கண்டறிய நிறுவனம் முயற்சித்துள்ளது என்று கூறினார்.
VTL பேருந்து டிக்கெட்டுகள் முதன்முதலில் விற்பனைக்கு வந்தபோது இதுபோன்ற சேவைகள் தோன்றியதாகவும், ஆபரேட்டர்களின் இணையதளங்கள் அதிக ட்ராஃபிக்கைப் பெற்றதாகவும் அவர் கூறினார். சிலர் இந்தச் சூழலை ஒரு வாய்ப்பாகப் பயன்படுத்திக் கொண்டு, டிக்கெட் புக் செய்ய முடியாத பயணிகளின் சார்பாக டிக்கெட்டுகளை வாங்கி லாபம் ஈட்டினார்கள் என்றும் அவர் கூறினார். காஸ்வே லிங்க் டிசம்பர் 18 அன்று வெளியிட்ட ஒரு பேஸ்புக் பதிவில், இது VTL டிக்கெட்டுகளை விற்கும் ஒரே இடம் என்றும் அதன் வலைத்தளத்தைத் தவிர வேறு சேனல்களில் டிக்கெட்டுகள் விற்கப்படுவது குறித்து அறிந்திருப்பதாகக் கூறியது.
உலகளவில் ஓமிக்ரான் மாறுபாடு வழக்குகள் அதிகரித்து வருவதைக் கருத்தில் கொண்டு, டிசம்பர் 22 அன்று சிங்கப்பூர் குடியரசு புதிய VTL டிக்கெட்டுகளின் விற்பனையை ஜனவரி 20 வரை நிறுத்தி வைத்தது நினைவுகூரத்தக்கது.