அமெரிக்காவின் துணைத் ஜனாதிபதி கமலா ஹாரிஸ், தென்கிழக்கு ஆசியாவுக்கான ஒரு குறுகிய கால சுற்றுப்பயணத்தின் தொடக்கமாக இன்று சிங்கப்பூர் வந்துள்ளார். சிங்கப்பூரில் மூன்று நாட்கள் செலவிட்ட பிறகு ஹாரிஸ் வரும் செவ்வாய்க்கிழமை வியட்நாமிற்கு செல்வர் என்று எதிர்பார்க்கப்படுகிறது.
மேலும் அவர் வியட்நாமில் இரண்டு நாட்கள் செலவிடுவார் மற்றும் அந்த நாட்டிற்கு வருகை தரும் முதல் அமெரிக்க துணை ஜனாதிபதியாக ஹாரிஸ் இருப்பார் என்பது குறிப்பிடத்தக்கது. சிங்கப்பூர் பயணத்தின் போது, ஹாரிஸ் ஜனாதிபதியையும், பிரதமரையும் சந்தித்து பேசுவார். பிறகு சாங்கி கடற்படை தளத்தில் நிறுத்தப்படும் அரங்கில் அவர் உரையாற்றுவார்.
MFA செய்திக்குறிப்பில் அவர் ஜனாதிபதி ஹலிமா யாக்கோப்பை சந்திப்பார் என்றும், பிரதமர் லீ சியன் லூங்குடன் ஒரு சந்திப்பு மற்றும் கூட்டு செய்தியாளர் சந்திப்பு இருப்பதாகவும் கூறுகிறார்கள். அமெரிக்காவின் முதல் பெண் துணைத் தலைவருக்கு இஸ்தானாவில் ஒரு விழாவின் போது அவரது நினைவாக ஒரு புதிய ஆர்க்கிட் மலர் பெயரிடப்பட்டது.
CNA செய்திகளின்படி, ஹாரிஸ் ஆகஸ்ட் 24 அன்று சிங்கப்பூரில் இருந்து வியட்நாமிற்கு பயணம் செய்து ஆகஸ்ட் 26 அன்று பிராந்தியத்தை விட்டு வெளியேறுவார்.