சிங்கப்பூரின் சாங்கி விமான நிலையம் வழியாகச் செல்லும் பயணிகளுக்கு, இந்த தொற்றுநோய்க்கு முந்தைய காலத்துடன் ஒப்பிடும்போது, கூடுதல் அளவிலான சோதனைகள் இருப்பதால், குடியேற்றத்தை (Immigration) முடிக்க அவர்களுக்கு அதிக நேரம் தேவைப்படுகிறது. சிங்கப்பூர் சுகாதார அமைச்சகத்தின் பெருந்தொற்று ஆபத்து வகைப்பாட்டின் கீழ் வகை I நாடுகளைச் சேர்ந்த பயணிகள் மற்றும் தடுப்பூசி போடப்பட்ட பயண பாதை (VTL) திட்டத்தின் கீழ் பயணிப்பவர்கள், பாலிமரேஸ் சங்கிலி எதிர்வினை ஸ்வாப் சோதனை செய்ய கூடுதலாக 20 முதல் 30 நிமிடங்கள் தேவைப்படுகிறது.
இந்நிலையில் குடியேற்றம் வழியாகச் செல்லத் தேவைப்படும் கூடுதல் காத்திருப்பு நேரத்தைக் குறைக்கப் பயணிகளுக்கு உதவ, குடிவரவு மற்றும் சோதனைச் சாவடிகள் ஆணையம் (ICA) அவர்கள் என்ன செய்ய வேண்டும் என்று பயணிகளுக்கு ஆன்லைன் சரிபார்ப்புப் பட்டியல்களை வெளியிட்டுள்ளது. அவற்றுக்குள் சில பின்வருமாறு…
தேவையான ஆவணங்களை முறையாக தயாரிப்பது
பயணிகள் புறப்படுவதற்கு முந்தைய பெருந்தொற்று சோதனை முடிவு போன்ற பல்வேறு தேவையான ஆவணங்களைச் சமர்ப்பிக்க பயணிகள் தயாராக இருக்க வேண்டும். TraceTogether பயன்பாட்டில் செயலில் உள்ள பயனர் சுயவிவரம் அமைக்கப்பட்ட மொபைல் சாதனமும் அவர்களிடம் இருக்க வேண்டும் என்பது குறிப்பிடத்தக்கது. அதேபோல – VTL திட்டத்தின் கீழ் பயணம் செய்பவர்கள், ICA-ன் தேவைகளுக்கு ஏற்ப, தடுப்பூசி போட்டதற்கான ஆதாரத்தையும், தடுப்பூசி போடப்பட்ட பயண அனுமதிச் சீட்டின் நகலையும் சமர்ப்பிக்க வேண்டும்.
மின்னணு சுகாதார அறிவிப்புடன் SG வருகை அட்டையைச் சமர்ப்பித்தல்
அனைத்து பயணிகளும் சிங்கப்பூர் வருவதற்கு முன் இந்த இணையதளம் வழியாக சிங்கப்பூரின் ICA-க்கு தங்கள் உடல்நல அறிக்கையை சமர்ப்பிக்க வேண்டும். குடியேற்ற அனுமதி பெறாமல் சிங்கப்பூர் வழியாகச் செல்பவர்களுக்கு அல்லது இடமாற்றம் செய்பவர்களுக்கு இது பொருந்தாது.
PCR சோதனைக்கான பதிவு மற்றும் முன்பணம் செலுத்துதல்
வகை I நாடுகளைச் சேர்ந்த பயணிகள் மற்றும் VTL திட்டத்தின் மூலம் நுழைபவர்கள், இந்த இணையதளத்தில் கோவிட்-19 PCR பரிசோதனைக்கு முன்பணம் செலுத்தி பதிவு செய்ய வேண்டும். இரண்டு வயது மற்றும் அதற்கும் குறைவான குழந்தைகளுக்கு விலக்கு உண்டு.
மேலும் தகவலுக்கு, பயணிகளுக்காக ICA வெளியிட்ட சரிபார்ப்புப் பட்டியல்களைப் பார்க்கவும்.
VTL திட்டத்தின் கீழ் வருபவர்களுக்கான சரிபார்ப்பு பட்டியல்
VTL அல்லாத வகை ஒன்று நாடடுகளான சரிபார்ப்பு பட்டியல்
VTL அல்லாத வகை இரண்டு நாடடுகளான சரிபார்ப்பு பட்டியல்
VTL அல்லாத வகை மூன்று நாடடுகளான சரிபார்ப்பு பட்டியல்